Shiga

Shwegu shanghpaw li hkap gasat ai hta Myen hpyendap maga si hkala ai law

Hpyen n gun jat na matu lung wa ai shanghpaw li 2 hpe Shwegu mare kaba makau e, Wunpawng Mungdan Shanglawt Hpyendap KIA kaw nna hkap gap ai hta, Myen hpyendap maga sum machyi ai lam nga ai hpe chye lu ai.

May shata praw 6 ya shana hkying 9 daram hta, KIA dapba 8 npu dung 5 dap ni kaw nna hkap gasat ai re lam KIO ginjaw shiga dap lithkam Du kaba Nhpang Naw Bu tsun ai re.

“Sang hpaw li 2 hpe gap ai. Langai mi gaw bai nhtang mat ai. Bai langai mi ga dai kaw hkring mat ai. Hkala hkrum ai masha law ai majaw hka li kaji hte htaw shalai la ai nga gaw tsun ai.” nga nna tsun dan ai re.

Wunpawng Mungdan Shanglawt Hpyendap KIA zing da lu ai Alaw bum hpe kalang bai zing la lu na matu, Myen hpyendap gaw nbungli, laknak kaba hte hpawn, lagaw dap hpyen n gun law law hte htim gasat nga ding yang re hpe chye lu ai.

Related Articles

Leave a Reply

Your email address will not be published. Required fields are marked *

Back to top button