Hpyen yen hkamja lam a matu garum ntum ra ahkyak nga

Kachin Backpack Health Worker Team

Mare kaba hte tsan ai nam kahtawng de koi yen nga ai hpyen yen mungshawa ni matu hkamja lam makawp maga lam hte seng nna garum ntum grai ra ahkyak nga ai lam Kachin Backpack hkamja lam lanawn lakawn hpung kaw nna chye lu ai.

Grau nna Njang yang ginra na Bumra Yang Hpyen yen dabang gaw mare kaba hte tsan ai majaw, hpyen yen ni a hkamja lam hpe grai myit tsang ai lam Backpack wuhpung na lit nga salang langai ndai zawn tsun ai.

“Tsi mawan sa du garum lu ai raitim, hkamja lam yu gawn lajang ya na tsi du ni bai n nga ai majaw, shanhte a matu ahkyak  dik gaw hkam ja lam rai taw nga ai.”

Lu hka nsan ai majaw hte du hkra ladaw kasi gahtet ai masa a majaw, hpyen yen ni hta ka nana hte kaga machyi makaw nkau hkrum sha nga ai lam chye lu ai.

Kachin Backpack Health Worker Team (KBHWT) wuhpung gaw asuya n re ai laksan hkamja lam wuhpung rai nna, asuya hkamja dap ni nlu dep hkap ai bum gahtawng buga de na mung shawa ni a hkamja lam hpe yu gawn lajang taw nga ai wuhpung re.

Ya ten na majan a majaw hprawng yen nga ai mung shawa ni a hkam ja lam a matu garum mayu ai re yang 09422458473 hta matut mahkai mai ai lam chye lu ai.

Read Previous

Lido lam ntsa Pyithusit gate sin ai hpyen la langai gap sat hkrum

Read Next

Tara Rap Ra ai Mungdan a matu Hpyen Yen ni a Kyuhpyi ai Lamang

Leave a Reply

Your email address will not be published.