Myitkyina Dap Kawng lam gram galaw nga ai Power Five Star Company a mawdaw hpe nat kau ya ai masha marai 6 hta na marai 4 hpe rim da lu sai lam July 23 ya shani Mungdaw Asuya Pyada dap kawn ndau ai re.
Dai marai 4 gaw Power Five Star company a magam gun ni rai nna, ya ngam ai marai 2 hpe mung naw sagawn taw na ai lam Myitkyina ginwang pyada dap kaw nna chye lu ai.
Myitkyina Sumpra Bum lam, Dap kawng lawk lam kaba gram taw nga ai Power Five Star Company a lam galaw mawdaw hte hka htaw mawdaw hpe June praw 4 ya jahpawt nat jahten hkrum ai hpang, ndai amu tawt lai ai masha ni hpe dingyang sagawn taw ai rai nga ai.
