Shiga

US: Miwa madu ai tsun ai Dingda Miwa Panglai gaiwang tara n shang

Dingda Miwa Panglai kata, Miwa madu ai lam masat ndau la ai ginra “yawng ngu na” hpe n hkap la ai lam tara shang ninghkap ndau ai hpe US Makawp Maga Dap, Hkringmang Slg. Mike Pompeo, July 13, Bat Langai Ya, shani tsun wa sai.

De a majaw, Washington hte Beijing lapran shaja hkat lam ningnan bai byin wa sai re.

Pompeo ndau ai hta, “Beijing madu ai lam tsun ai panglai nhprang sut rai pru ai ginra law malawng gaw tsepkawp tara n shang ai hte dai hpe madu la na lamang galaw nga ai lam, Miwa a Dingda Miwa Panglai hpe laba kaup la wa ai hpe mungkan hkap la na re lam, bai nna, Amerika gaw Panglai nhprang sut rai jawm madu lam hta Sinpraw Dingda Asha Dan jinghku ni (Southeast Asian allies) hte rau sha tsap na re nga” tsun ai.

Miwa madu ai lam tsun ai manghkang byin shara, Dingda Miwa Panglai. Kawn: BBC

Sut nhprang hpring ai Dingda Miwa Panglai (South China Sea) kata, deng wan 1.3 grupyin (square mile) gaw Miwa madu ai gaiwang re lam Beijing ndau nhtawm hpyendap gawgap ai lam galaw nga ai rai nga ai.

Raitim, dai ginra hpe jawm madu ai lam tsun nga ai mungdan ni hta, Malaysia, Indonesia, Taiwan, Philippines, Vietnam, hte Brunei ni re.

Related Articles

Leave a Reply

Your email address will not be published. Required fields are marked *

Back to top button