Coronavirus hpe anti-flu hte AIDS tsi hpan 2 hte tsi shamai ai lam, Thai tsidu ni tsun

coronavirus check. (Phot by Xinhua Net)

Coronavirus ana kanu hte Thai mungdan e machyi hkrum nga ai Miwa amyusha langai hpe Anti-flu (mak hkalawng tsi) hte AIDS tsi hpan 2 hpe gayau nna tsi tsi ai hpang, ana hkyem sa wa ai lam Thai tsi du ni February praw 2 ya shani tsun ai re.

Asak 71 ning asak kung Miwa hpawmi langai hpe hkying hkum 48 laman hkyem sa hkra tsi shamai ya lu sai lam Bangkok Rajvithi tsi rung na tsidu lahkawng tsun da ai hpe Thai Bangkok Post Shiga Laika hta mu lu ai re.

Miwa mung hta mung machyi ai kaw nna mai tsai wa sai marai (328) hpe tsi rung shayu dat sai lam Miwa Xinhua shiga hta tang madun tawn ai re.

2019 na Miwa mung Wuhan mare kaw nna kap bra wa ai ndai ana hpe 2019 Novel Coronavirus ngu mying jaw da ai re.

Mungkan Hkamja Dap WHO gaw ndai ana hpe sadi maja ra ai madang rai sai lam ndau da ai hpe mu lu ai.

Dai ni du hkra Coronavirus ana kap bra ai mungdan 20, kap bra masha 14000 jan hte masha si jahpan 200 jan sai lam chye lu ai.

 

0 Reviews

Write a Review

Read Previous

KIA hpyendap hpe Myen hpyen Drone hte kyin yu ai lam FBR ndau

Read Next

Hugawng pa ginra kani sun hkyen hpang

Leave a Reply

Your email address will not be published. Required fields are marked *