Tag Archives: Putau

Shiga

Putau e ma ti sha shut nna si ai mabyin ding yang byin nga

Leave a comment

Putau ginra e, sha nmai ai baw mati sha shut nna, asak si hkrum ai mabyin ni gaw ya ten, matut manoi byin nga ai re.

Sar Hkum Dam mare, hpaji jawng magam gun taw ai, saranum Htay Chyoi ngu ai, yan nu ni masum gaw, dai mati shadu sha ngut ai hpang, kasha 2 si hkrum nna, kanu tsi tsi hkamla nga ai lam, Sar hkum Dam mare masha langai KNG shiga dap de ya na zawn tsun dan ai re.

“Sarama gaw, shi kasha 2 shinggan de na baw wa ai mati hpe shadu ya na hku tsun aput ai hpe shadu jaw dat ai, shi madu wa chyawm n sha ai sha yup mat ai. Shana de hkying 5 ram sha sam ai, hpang jahpawt hkying 3 ram kaw madawn wa ma ai nga tsun ai. Dai sha ai Shan nu ni masum tup madawn wa ai nga tsun ai. shanhte gwi rem da ai, dai gwi shawng shannu ni madawn tawn ai hpe sha nna, sai ni madawn di si Gwi shawng si mat ai. Dai hpang, dai shani jang shannu ni masum tup tsi rung du mat ai. Kasha num sha the la sha gaw masa n hkrak ai, Oxygen marawp ra ai madang re majaw kasha num sha shawng praw 9 ya shana si mat ai. Praw 11 ya shana gaw kasha La sha bai si mat ai. Ya sarama hpe gaw dai ni Myitkyina tsirung sa na nga tsun taw ai, dai ram sha naw chye da shi ai.”

April praw 6 shana maga kaw nna byin nga ai, ndai mati sha shut nna si ai mabyin gaw, ya ten du hkra mung, saranum hpe asak hkye lu hkra, matut tsi tsi  lajang nga ai re lam chye lu ai.

A sak si sum mat sai kasha yen gaw asak 7 ning re Numkasha the asak 10 ning kasha La sha yen nau re lam chye lu ai.

Ndai Saranum yan nu ni gaw, Sagaing kaw nna, Putao ginra, sa hkum dam mare lapran tsang jawng e lit ang ai nna, htawt wa ai ni re lam chye lu ai re.

Dai sha n ga, mani April 11 ya shani hta mung Putao, Mar thay mare e, dum n ta masha marai 4 mati shadu sha shut nna, kasha langai asak si sum mat sai rai nna, ngam ai marai 3 gaw tsi tsi la nga ai lam matut chye lu ai re.

Ya na zawn, putao ginra hta, ganing re mati sha shut ai majaw si ai hte seng nna,n dai zawn matut tsun dan ai re.

“Ndai ten, a ga kaw tu ai mati ni gaw, mai sha ai baw mati hte bung ai. Raitim n mai sha ai. Dai zawn re ni shanhte shadu sha ai rai nga ai. Mai sha ai baw mati the gaw loi bung bung re re. raitim dai sha ai baw mati n re gaw. N dai ten, tu ai mati, hpa mati baw mi rai rai n mai sha ai, ya ten tu ai mati yawng ngu na ram agung rawng ai. N mai sha ai. Grau nna ya na zawn, mati sha shut ai ni law malawng gaw, nau n chye ai ni, ginra masha n re ni gau shadu sha shut na si ai law ai. Lawu mung de na du wa ai sara, sarama ni shanhte nau n chye ai majaw sha hkrup ai ni law malawng re.”

Putao ginra hta shawng e mung n dai zawn mati sha shut nna, n ta masha yawng yawng asak si sum ai mabyin ni mung nga wa ga sai lam chye lu ai re.

Majan Shiga, Shiga

Putau ginra hpyen masa gahtet ai majaw, dum nta nhtang wa sai mung shawa ni myit tsang

Leave a comment

Hpyen yen taw ai kaw nna, simsa lam akyu galaw hpung ni a garum la ai hte, dum nta wa taw nga ai, Putao hpyen ni, mani kaw nna, hpyen masa bai shaja wa ai majaw, kalang bai hprawng ra na myit tsang nga ma ai re.

Sumpyiyang ginra, Tangja Yang mare makau kaw, mani April 3 ya shani Myenhpyen dap n gun 80 jan hte Wunpawng Mungdan Shanglawt Hpyendap KIA lapran, hpyen masa gahtet wa ai majaw hkrit tsang nga ai re lam, ginra masha langai KNG shiga dap de ya na zawn tsun ai re.

“Mana maga de shanglawt ni nga ai de Myen ni kaw nna, kalang hkawng lang gaw gap sam ai law. sanat kaba lahkawng lang ram sha na ai law.”

Aten shata mi daram sanat mahku zim sai majaw, Simsa lam akyu galaw hpung PCG, Wunpawng amyu sha mungbawng rap daw WMR hte Myitkyina Christian Council MCC kawn lapran salang tai jahkrup ya ai hte Putao hpyenyen mung shawa yawng dum n ta wa lu hkra garum ya taw ai rai nga ai.

Dai hta, Sumpyi yang, Lungsha yang, N si yang, Tangja yang ginra hkan na mung shawa ni, hpyen yen ai kaw na, law malawng dum n ta bai wa htawt taw nga ten, Myen hpyen dap  shamu shamawt ai majaw shim lam naw n nga shi ai nga nna, putao ginra masha langai ya na zawn matut tsun ai re.

“Grai gaw tsang ai, zim na lam n nga majaw, yen shara dingyang tam ra ai ka rai nga ai, ya ten gaw gara de ma n sa shi ai, buga hpung hkan na mung mare kaw sha ng ana hku tsun tawn ai, sanat ngoi wa jang gaw tinang n ta tinang nga ai hta yawng rau chyawm ng ana hku, mani mana sha myen ni bai mare de bai du re majaw, yawng shing gan n le ai sha chyawm chyawm rai na nga na hku, yawng sadi na hku gaw n dai ram madang naw nga taw ai.”

Putao kaw nna, Hkak ma mare du hkra sha dung ai Myen hpyen dap gaw ya ten, Lungsha yang mare du hkra shara la tawn ai zawn, mare kata Naw ku jawng wang hkan, mare shing gan, nam grup byin, shara shagu shara la, shamu shamawt hkawm taw ai majaw, majan bai laja wa na masa nga taw ai lam ginra masha ni tsun ai re.

Ya ten myen hpyen dap kawn, Tangja mare grup yin nga ai shanglawt hpyen hpung hpe jasan kau mayu ai masing hte hpyen n gun dingyang htu shadut taw ai lam ginra masha langai gaw shi a ningmu hpe ya na zawn tsun ai re.

 “Ya na mung masa lapran tinang lamu ga tinang mungdan lu la hkra ngu ai masing kaba hku galaw ai rai yang gaw, shanhte matut galaw na mung n gun jaw na rai nga ai, raitim mung kaja wa ta tut htum hkra, awng dang hkra galaw na lam n rai na, Sumpyi yang hkan na zawn, mung masha ni dai zawn hprawng dat yen dat rai na madang sha rai jang gaw mung masha ni gaw tsep kawp sanat mahku n shangoi na hpe gaw ra ai ga rai nga. Raitimung ta tut yawng galaw na nga jang chyawm, yawng gaw laning mi sha gaw jam jau hkam na, n gun jaw na nga nna tsun ai ni mung nga ai. Raitim ya yang gaw bai wa na, n ta du sai, n dai Myen ni gaw bai htu shanut nga rai jang gaw byin wa na lam gaw naw nga ai ka rai nga, dai zawn re kaw malawng maga gaw grai hkrit tsang ai yak taw ai ka rai nga ai.”

Dai sha n ga, Seng ang ai salang ni kawn woi awn ai hte n dai April praw 5 ya hta mung Myitkyina mare kaba hkan nga ai Hpyenyen yawng dum n ta wa na hku hkyen tawn ai re.

Lai wa sai February shata praw kaw nna, putao ginra hta Myanhpyen dap hte Wunpawng Mungdan Shanglawt Hpyendap KIA, PDF lapran majan laja lana byin ai hpang march praw kaw nna KIA maga hting nut mat ai rai nga ai.

Shiga

Hpyendap hpe ninghkap gum lang ai lam n galaw na matu Putau ginra masha ni hpe zin lum

Leave a comment

Myen hpyen dap hpe ning hkap, gum lang ai lam n galaw na matu hpyendap shangun dat kasa Duwa Hkyet Hting Nan a Putau hkrunlam hta makam masham hte htung hking hpung ningbaw ni hpe zin lum nna tsun ai lam chye lu ai.

April 26 ya shana daw Putau e hkrum zup ai shaloi, makam masham wuhpung yawng a matu gumhpraw sen 20 hte htung hkring hpung yawng a matu gum hpraw sen 15 jaw nna ya na zawn tsun ai re lam chye lu ai.

Hpyendap gaw 2008 gawda tara npu daru magam hpe jahkring mi gang jum da ai she re majaw, hpyendap hpe gum lang ninghkap ai lam n galaw na matu, Duwa Hkyet Hting Nan tsun ai lam, dai hkrum zup hpawng hta shanglawm ai salang langai ndai zawn tsun ai re.

“shi tsun ai gaw, daru magam lit hpe zing la ai n re. Gan makawp ya ai she re da. Laning mi hpring yang, ra lata poi bai galaw ya na nga na tsun mat ma ai. Dai majaw hpa ning hkap taw n ra ai da. Shanhte tsun ai hpe yu yang gaw wa zinlum ai lachyum re ngu mu ai” nga nna tsun ai re.

Hpyen dap san da ai Jinghpaw mungdaw uphkang salang ningbaw Duwa Hkyet Hting Nan a shawng ningnan lang na mungshawa ni hpe hkan zim lum ai Putau hkrun lam re hpe chye lu ai.

Putau ginra mung mungdaw kata kaga mare kaba ni zawn sha, hpyen gumshem asuya hpe ninghkap n gun madun ai nga ai re.