Miss Grand Myanmar Hpe Woi Awn Nga Ai Yungwi Ninghkring Maran Seng Naw the Manang marai 3 hpe Rim Da
Miss Grand Myanmar tsawm shayi lata poi hpe woi awn ai, Yungwi Ninghkring kaba Maran Seng Naw hte hpawn, dai kaw shang lawm ai marai 4 hpe Myen Hpyen dap rim woi da ai lam chye lu ai.
Maran Seng Naw the manang ni marai 4 hpe rim woi da ai dai ni the rai yang n htoi 3 ya du sai rai tim, Myen hpyen dap maga na gaw, tara shang rim ahkyak la ai nga ndau da ai hpe n mu lu ai lam Maran Seng Naw hte ni nawn ai ni tsun ai re.
“ Shi hpe gaw rim da ai mung n nga, hpa mung n nga na shaga woi da ai ya n htoi 3 ya rai sai le, anhte gaw hpa galaw ra na re mung n chye mau mau,” nga tsun ai.
Maran Seng Naw hpe rim ahkyak la ai lam gaw, Myen mung tsawm shayi lata poi lamang hta, မယ်သီလ hkrang hte shang shingjawng ai majaw, Makam masham lam hpe n gawn n sawn galaw ai ngu mara hte rim ahkyak la da ai lam chye lu ai.
Myen hpyen dap ni Maran Seng Naw hpe tara kanu 2 the jewat da ai rai nna, dai tara kanu ni gaw, ဘာသာသနာညှိုးနွမ်းစေမှု ပုဒ်မ ၂၉၅(က) hte ရပ်ကျေး ဥပဒေ ပုဒ်မ ၂၆ hte rim ahkyak la da ai lam chye lu ai.
Ya rim woi hkrum da ai ni gaw, dai poi lamang hpe woi awn galaw ai, Director Maran Seng Naw, Poi lamang hpe yu hpareng lawm ai Maran Seng Naw a kanau Maran Lu Lu Awng ,မယ်သီလှ hking hpun shingjawng ai, Tachilek tsawm shayi hte Tachilek Country Director ni re lam chye lu ai.
Ya ten dai marai 4 hpe Yangon na Balik Hkyuk langai kaw rim sharen da ai rai nna, galoi gara shani tara dawdan jeyang na hpe a tsawm tup hkrak rai n chye lu ai re.
