Putao , Nam Sa-bum mare hta Myen hpyendap gaw , jahtu sha nga ai mung shawa nkau hpe , jak arung arai hte hpawn rim woi mat wa ai lam chyelu ai.
Dec praw 9, jahpawt manap hking 9 ram aten, Hpyen n-gun 30 daram nga ai, hpung ni gaw, Putao mare kaba a, sinpraw hkran maga nga ai, Nam-bum jamaw mare hpe maja htim shang wa nna, jahtu sha nga ai mung shawa nkau hpe rim woi mat wa ai lam, Putao ginra masha langai KNG Shiga de n dai zawn tsun dan wa ai re.
“Myen ni hpyen lahkawn ai kun, Kaning re ga kun? Hpyen n gun 30 ram maw de sa wa na dap shagu hkan rim lahkawn mat wa ai,” nga tsun dan ai re.
Dec praw 9 ya jahpawt shawng rim ai jahpawt hta, jahtu sha ai, bek 4 jak kaba lahkawng hte masha marai 6 hpe rim woi mat wa ai lam chye lu ai re.
Ya na zawn, mung shawa ni hpe shang rim ai, mabyin a majaw, Nam-sabum jamaw na mung shawa nkau mung yawng hprawng pru mat ai sha n-ga rim hkrum ai masha marai 6 mung rai nlawt pru wa shi ai lam matut chye lu ai re.
Myen hpyendap ni gaw jamaw ginra kata kaw , hkawn kang hta sha mayu ai majaw , mung shawa ni hpe rim woi hkawm wa ai re lam Putao ginra masha ni tsun ai re.
Putao ginra hta lai wa sai 5 ning a shawng e, ginra kata jahtu sha ai lam hpe, jak kaji ni hte sha jahtu sha wa ai raitim, Myen hpyendap daru maga zing kau ai hpang kaw nna, jak kaba ni hte wang lu wang lang jahtu sha ai lam grau grau sawng wa nga ai re.
