Manmaw hpyen yen mung shawa ni tawn kau da ai dum nta gat seng ni hta arung arai lagu la hkrum taw nga
Manmaw mare kata mung shawa yawng hprawng yen mat ai hpang, dum n’ta, gat seng ni lagu adup hpaw hkrum nna, manu dan ai rai ni lagu la hkrum taw nga ai lam ginra masha ni tsun ai re.
December 4 ya shani kaw na Manmaw mare hpe KIA hte pawng hpawm dap ni laja lana htim gasat wa ai hpang, mung shawa yawng ngu na manmaw kata na hprawng yen taw nga ai re.
Majan a majaw hprawng yen kau da ai dum nta ni hta, lagut ni kaw na n ta adup hpaw let, nta kata nga ai HKa mawta, dung lahkum saboi ni hpe lagu shaw la nna, Phone seng hte gunrai hpan hkum seng ni hpe mung adup hpaw nna, shan hte ra ai rai ni hpe lagu shaw la taw nga ai nga, Manmaw ginra masha ni KNG shiga dap de tsun ai re.
“Manmaw mare kata ya ten wang lu wang lang she re, Ph seng ni adup hpaw nna, shan hte ra ai rai ni shaw la rai, n ta kata na hka mawta ni sa raw la rai lagut ni kam mara she rai tai sai,” nga tsun dan wa ai re.
Manmaw mae kaba hta lawk 16 nga ai rai nna, dai lawk 16 yawng kaw na mung shawa mun 5 jan yawng hprawng yen mat sai re.
Majan n htoi 10 ya hkawt na wa ai ten, mung shawa marai 30 asak si sum nna, marai 150 hkawt hkala hkrum sai nga, Jinghpaw mung CSO wuhpung ni tsun ndau da ai re.
