Majan ShigaShiga
𝐋𝐚𝐠𝐰𝐢 𝐌𝐚𝐫𝐞 𝐁𝐚𝐰𝐦 𝐘𝐚𝐦 𝐊𝐚𝐩𝐚𝐰 𝐚𝐢 𝐊𝐚𝐰 𝐌𝐮𝐧𝐠 𝐒𝐡𝐚𝐰𝐚 𝐦𝐚𝐫𝐚𝐢 (𝟕) 𝐬𝐢 𝐧𝐧𝐚 𝐦𝐚𝐫𝐚𝐢 (𝟏𝟏) 𝐇𝐤𝐚𝐥𝐚 𝐡𝐤𝐫𝐮𝐦
Sinpraw Dingdung Ginwang Ginjaw, KIA Dapba (7) Lagwi Mare kaw Bawm yam kapaw ai majaw, Mung shawa marai 7 si nna, marai 11 hkala hkrum ai lam ginra masha ni kaw na chye lu ai.
Dai ni October praw 2 2026 ya shani ka-ang hkying 12:43 aten, Lagwi Mare Hpaji Jawng hte Chung Jung Manam jarawp lapran kaw tawn da ai Bawm Yam Gu dawng kapaw wa ai majaw mung shawa si hkala hkrum ai sha n ga, dum n ta law law mung hten za hkrum wa ai rai nga ai.
Dai bawm yam tawm ai lam hpe mare kata n tawn na matu KIO kaw na lai wa sai 2023 ning kaw na tsun sadi jaw tawn sai lam dai ginra na KIA magam gun Salang langai KNG Shiga de ndai zawn tsun ai re.
“𝑴𝒂𝒓𝒆 𝒌𝒂𝒕𝒂 𝒌𝒂𝒘 𝑩𝒂𝒘𝒎 𝒀𝒂𝒎 𝒏 𝒕𝒂𝒘𝒏 𝒏𝒂 𝒎𝒂𝒕𝒖 𝒍𝒂𝒊 𝒘𝒂 𝒔𝒂𝒊 2023 𝒏𝒊𝒏𝒈 𝒌𝒂𝒘 𝒏𝒂 𝒕𝒔𝒖𝒏 𝒔𝒂𝒅𝒊 𝒋𝒂𝒘 𝒅𝒂 𝒔𝒂𝒊 𝒓𝒆, 𝒅𝒂𝒊 𝒏𝒊 𝒌𝒂𝒏𝒊𝒏𝒈 𝒓𝒂𝒊 𝒈𝒂𝒓𝒂 𝒉𝒌𝒖 𝒌𝒂𝒑𝒂𝒘 𝒘𝒂 𝒂𝒊 𝒌𝒖𝒏? 𝒚𝒂 𝒔𝒂𝒍𝒂𝒏𝒈 𝒏𝒊 𝒏𝒂𝒘 𝒋𝒆𝒑 𝒏𝒈𝒂 𝒎𝒂 𝒂𝒊, 𝒚𝒂 𝒏 𝒅𝒂𝒊 𝒍𝒂𝒎 𝒉𝒕𝒆 𝒔𝒆𝒏𝒈 𝒏𝒏𝒂, 𝒍𝒂𝒌𝒔𝒂𝒏 𝒔𝒂𝒏 𝒋𝒆𝒑 𝑲𝒐𝒎𝒊𝒕𝒊 𝒉𝒑𝒂𝒘 𝒏𝒏𝒂 𝒔𝒂𝒏 𝒋𝒆𝒑 𝒎𝒂𝒕 𝒏𝒂 𝒍𝒂𝒎 𝒏𝒈𝒂 𝒂𝒊,” nga tsun ai re.
Dai ni Bawm kapaw ai majaw, hkala sawng hkrum ai marai 5 hpe gaw Miwa gumsan mungdan de shalai nna, loi tsamai ai ni hpe gaw, Hpare ginwang mung shawa tsi rung kaw tsi tsi ya taw ai lam chye lu ai.
Bawm kapaw ai shara gaw, Hpaji jawng makau, Jawng Sara Saranum ni nga ai n ta hte ni dik kaw kapaw ai lam re hpe matut chye lu ai.
Dai ni si hkrum ai ai hta Jawng Sara Saranum ni mung lawm ai rai nna, si hkrum ai ni yawng asak 22 hte 58 lapran na ni re lam chye lu ai.
Lagwi Mare gaw, Miwa mung jarit, Hkyen Bum pawt kaw de da ai mare kahtawng langai rai nna, dai mare kaw n ta htinggaw, 100 jan nga ai bum mare langai rai nga ai.
