Myen Hpyen Shiga ni hta Myitkyina Mandalay lam bai hpaw sai lam tsun garu nga ai rai tim, kaja tatut hpaw ai lam rai n nga ai nga, Mawdaw la ni tsun ai re.
Ya Myen ni gasat zing ai Indaw Mawlu grup yin gaw, PDF ni up da ai ten rai tim, lam n maw kaba hku ding yang mai lai taw shara ni hkrai sha re lam chye lu ai.
Shawoi nam lam hku na koi hkawm ra ai lam gaw, Kanbalu ginwang grup yin deng 40 tsan ai Nam lam hku na sha naw matut hkawm ra taw ai masa lam hte seng na Mawdaw la langai KNG shiga hpe n dai zawn tsun ai re.
“ Myitkyina Shwebo Mandalay lam rai n hpaw ai, Myen ni Lobby galaw ai she re. shan hte စစ်ကြောင်း hku lung wa ai hpe mawdaw lam kaba hku lai lung wa lu ai zawn galaw dan masu ai she re,” nga tsun ai.
Ngut nna, Mali hka Sinpraw maga Manmaw Mandalay lam kaba mung tara shang rai n mai hkawm ai lam chye lu ai.
Hti Chyaik maga hku na mung shawoi lai ai Nam lam Katha, Waygyi, ကျောက်ပုံ၊ ကလုံ၊ လေပို၊သာဂရ၊ ကျောက်မှော် Nam lam hku na sha naw kawoi hkawm ra taw ai lam chye lu ai re.
Mandalay lam gaw mi kaw na tim, Nam lam hku mai gayin hkawm taw ai rai nga ai.
Ya Myen Hpyen ni Indaw Mawlu Htichyaik ni hpe gasat zing kau ai hpang rai tim, mi hkawm taw ai nam lam hku na sha naw hkawm taw ra ai lam chye lu ai.
