April 25 ya shana Jinghpaw Mung ting madang Nbung laru kaba wa ai majaw, Wan Shadaw, Phone Shadaw, Hpun ni dawru ai lam ni byin wa ai lam chye lu ai.
April 25 ya shana hkying 8 chyen ram kaw na hkying 9 du hkra bung ai n bung laru gaw, Namti hte Monyin larpran na Mung Shawa dum n ta sha n ga, Hpyen yen n ta ni yawng gun galang mat ya ai nga, Htingnai ginwang na lit nga ai Sara langai KNG shiga de n dai zawn tsun dan wa ai re.
“Mana hkying 9 ram hta rai nga ai, sawng dik gaw Namti kaw rai sam ai, n ta ni yawng gun mat, Phone shadaw, Wan shadaw ni mung daw, hpyen yen dum n ta na muga ni mung yawng gun mat ai,” nga tsun dan ai re.
Ya ten Namti Mogaung grup yin hta Hpyen yen mung shawa hkying lam machyu shingbyi nga ai ginra langai mung rai nga ai.
Ya na zawn, Nbung laru hpyen hkrum ai majaw, Hpyen yen mung shawa ni Muga hte laga Hpun Kawa dum n ta bai gram gawgap la na garum ningtum ra taw ai lam chye lu ai.
Nbung laru hkrum ai hta lit nga ai Asuya ni kaw na lam n tsa hkan na Hpun Wan Shadaw ni hpe jasan ya ai lam ni gaw, galaw ya ai rai tim, garum ningtum jaw ai lam laga gaw n nga ai nga mung shawa ni matut tsun dan wa ai re.
Jinghpaw mung Wanleng lam mayan de dai ning na laman Nbung laru kaba wa ai, n dai kalang the rai yang, lahkawng lang byin wa sai rai tim, n dai kalang gaw sawng dik re lam chye lu ai.
