Manmaw Majan kaw dai hpawt manap hta mung, Masat (1) Manmaw lahta tsang jawng makau grup yin hkan na Myen hpyen dap ni nga taw ai shara 3 hpe bai gasat zing madu la lu ai nga, shawng lam hpyen magam gun ni tsun ai re.
Manmaw hpe n dai laman KIA woi awn ai pawng hpawm dap maga n gun dat bai htim gasat taw nga ai hta, ram ram masan sa awng dang ai lam ni lu la taw nga ai nga na shawng lam hpyen magam gun langai KNG shiga de n dai zawn tsun dan wa ai re.
“ Ya n dai laman na Majan masing hta ram ram awng dang masan sa taw ai ga rai nga ai, ya the gan yen kau da ai shara ni hpe bai lu la taw ai ga rai nga ai lo,” nga tsun dan ai re.
Lai wa sai August Shata kaw Myen Hpyen Hka Sanghpaw du ai hpang, Myen Hpyen dap maga na masha laknak n gun kaba ni hte htim gasat wa ai majaw, zing da ai shara n kau hpe gan yen kau ra mat ai rai nga ai.
Dai zawn gan yen kau ai shara ni hpe n dai laman kaw na bai htim gasat hpang wa ai hta masan sa awng dang ai lam lu la taw ai mung rai nga ai.
Lai wa sai September 29 ya shani Hk.L.Y (47) dap a shang lam ကာကင် shara langai hpe gasat zing la ngut ai hpang, October praw 1 ya shani ရွှေပြည်သာ KBC Nawku jawng wang shara ni hpe bai gasat zing la lu wa ai hpang mani hpawt gaw, Manmaw Deng 2 အရှေ့သာစည် hte Golf pa makau na dap shara 3 hpe gasat zing la lu wa ai hpang dai hpawt manap gaw, Manmaw masat langai lahta tsang jawng makau hkan na dap shara bai gasat la lu wa ai rai nga ai.
Mani shani tup hta mung, Manmaw Deng 2 Aung Thar hte Manau wang makau grup yin ni kaw laja lana gap gasat hkat wa ai hta Myen hpyen dap maga sum machyi lam ni law wa ai nga tsun ai re.
Manmaw Deng 2 maga de htu lung wa ai Myen hpyen hpung ni hpe KIA hte pawng hpawm dap maga n dai laman laja lana bai htim gasat dat ai majaw, Myo kata de bai hprawng htingnut yen mat wa sai lam chye lu ai.
Manmaw majan hta Myen Hpyen dap maga na, Nbungli the shani shagu sa gap bun nga ai sha n ga, Laknak kaba, Drone, Suicide drone hpan hkum ni jai lang nna, gap gasat taw nga ai majaw, Majan laja lana matut byin nga ding yang re lam mung chye lu ai re.
