Hpakant kaw Myen Hpyen Y12 nbungli dai hpawt manap jau kaw na wa pyen gayin taw nga ai gaw, dai ni shani ka-ang hkying 12 aten du hkra rai yang, Nbungli kaw na bawm 7 lang jahkrat bun ai hpang, dai na de hkying 4 kaw Jet Nbungli bai du nna, Bawm jahkrat Jak sinat gap bun ai lam ni galaw taw nga ai nga, ginra masha langai KNG shiga dap de tsun dan wa ai re.
“Dai Hpawt hkying 7:45 kaw nna dai ni shani ka-ang du hkra pyen gayin nna, Y12 hte 7 lang bawm jahkrat kau da ai, Ya gaw Namhpyit နဂါး ၉ ကောင် Company kaw rawng nga ai Myen ni Drone Sharawt na, Malang Dung mare de bawm sa jahkrat ya taw nga ai, dai na de hkying 4 ram hta mung Jet Fighter Nbungli bai du nna, Bawm jahkrat Jak sinat gap bun ai lam ni galaw taw nga ai nga,” tsun dan wa ai re.
Malang Dung mare maga de htu shadut wa ai Myen Hpyen hpung ni mani gaw, Namhpyit Mare hta wa rawng taw nna, Uru Hka hpe rap na yak ai majaw, dai hpawt kaw na Woi Kawng de bai wa htawt sit nga mat sai lam chye lu ai.
Ya ten Myen Hpyen dap the KIA PDF dap larapn Malang Dung mare, Seng Bum hte ရတနာစိန်သိရိ Company shara makau grup yin ni hta gap gasat taw ai lam chye lu ai.
Myen Hpyen dap maga dai zawn nbungli bawm jahkrat ngut ai hpang hta mung Hpakant Tatma kawng kaw na laknak kaba gap shapyen bun ai lam ni galaw taw nga ai re.
Myen Hpyen dap ni n dai laman Seng Tawng maga de htu shadut htim gasat shang wa na matu Hpyen man lahkawng hku na gasat waw taw nga ai hta, n dai laman gaw, Mawsi Za Malang Dung mare maga Seng Tawng Mare dingsa hku htim gasat na matu shakut taw ai mung rai nga ai.
Ya ten Myen Hpyen hpung n kau gaw, Nammahpyit mare makau ni hta du nga ai zawn, Malang Dung mare na Hkristu Hpung Nawku jawng wang shara ni hta mung dap jung shara jahkrat taw nga ai re lam chye lu ai.
Myen Hpyen dap gaw, n dai r alata poi rai n du shi ai laman Hpakant ginra yawng hpe bai gasat zing la lu hkra htim gasat shakut taw nga ai rai nna, Wara Zup Pyithutsit hte Mogaung Sam Hkyeng Pyithutsit law law hpe jai lang nna, Hpakant ginra hpe htim gasat taw nga ai re.
