The deadline extended to January 31, 2025
Jinghpaw Shiga Dap (KNG) hte rau ginra shiga ni hpe sawk sagawn htawng madun na matu journalism bungli myit lawm ai ni hpe saw shaga dat ga ai. Journalist bungli hpe aten galu, kan bau bungli langai hku nna galaw na matu myit lawm ai ni hku nna KNG de shawk shawn mai sai re.
2025 kaw nna Jinghpaw ginra ni hta na shi sawk marai (4) hpe ra nga ga ai. Dai ginra ni gaw Mungmyit Sinli na marai (1), Myitkyina/Waimaw ginra na marai (1), Manmaw/Loije ginra na marai (1) hte Hpakant ginra na marai (1) rai nga ai.
Lit Madung Hte Ahkyak Ai Masat Masa Lam Ni;
- Journalism hpe myit lawm nna kan bau bungli langai hku galaw ra na.
- Tinang ginra hta byin taw nga ai sutmasa-mungmasa, makau grupyin shingra tara hte shinggyim nauna mabyin masa lam ni hpe myit lawm ai hte hkaja taw ra na.
- Laika ka, sumla hte video dem ai hpe myit lawm ra na.
- Jinghpaw hte Myen laika hpe kung kyang ra ai. English laika chye ai rai yang mung hkrak ai.
- Prat dep (Technical tools, Equipment) arung arai ni hpe sharin let jai lang gwi ra na.
- Wuhpung wuhpawng hte bungli rau chyawm galaw ai hta myit lawm ra na.
Shawk shawn wa ai ni hpe KNG hku nna san shaga lata ngut ai hpang, mahkrum madup n nga shi ai ni hpe gaw wunkat matut jaw mat wa na re.
Dai majaw, myit lawm ai kadai raitim, tinang a ‘CV’ hte hpa majaw myit lawm ai ‘cover letter’ hpe manu ai ladat hte ka nhtawm, lawu na hkring dat ni de shagun mai sai lam shana dat ai.
Matsing: CV hta tinang hpe madi shadaw ya na masha marai 2 a mying hte matut mahkai hpan lama ma hpe ka shalawm na matu lajin dat ai.
- kng@kachinnews.com
- KNG facebook messenger
- Masat Da ai Masha (Focal Person)