Hpakant KIA Dapba (9) ginra, Lawt Ra Pa mayan hta Myen hpyen dap jet Fihter nbungli bawm wa jahkrat bun

Hpakant KIA Dapba  (9)  ginra, Lawt Ra Pa mayan hta dai ni  October (31) ya jahpawt hkying (9:50)am aten daram kaw nna Myen hpyen gumshem dap jet Fihter nbungli bawm (4) lang sa jahkrat bun ai lam Dukaba Naw Bu KNG de tsun ai re.

“Dai hpawt hkying 10 ram hta Dapba 9 maga de nbungli bawm wa jahkrat bun ai lam gaw ten ai, rai tim kata lam a tsawm tup hkrak gaw  rai n chye shi ai nga,” tsun ai re.

Myen hpyen dap wa jahkrat bun ai n bungli bawm gaw Uru hka kau mayan de wa hkrat nna, sum machyi hkra hkala ai lam ni hpa n nga ai nga, dai ginra na magam gun nit sun ai re