Hpakant, Sengtawng mare lawk 3, KIO Asuya Seng Zup ninghtawn rung hpe Myen hpyendap ni shang gasat ai majaw, si hkala masha nga nna, ninghtawn rung hpe mung wan nat jahten kau ya ai lam chye lu ai.
Shang gasat ai mabyin hta marai 7 hkala nna, marai 3 gaw si mat ai lam chye lu ai.
Ninghtawn rung hta Shanglawt Asuya rim sharen da ai bawng masha marai 20 ram hte makau grup yin na mungshawa marai 30 hpe, Myen hpyendap ni rim woi mat wa ai re.
Si hkala ai ni hte rim woi mat ai masha ni gaw kadai dai re lam hkrak nchye lu shi lam lahta na ginra masha kawn matut tsun dan ai re.
Hpakant ginra hta dai ning 2023 kaw nna KIO/KIA magam gun ni rim hkrum ai lam grau grau na law wa ai lam nga ai re.
