Jinghpaw Mung, Manwin-gyi mare makau na Hinlung Pawng hpawm shagyit hta Wunpawng Mungdan Shanglawt Asuya kawn Kani Nanghpam bai hkap mu rim ai lam chye lu ai.
November 2 shani Namhkam kaw na X-Trail mawdaw achyang hpe hkap sawk jep ai ten, Kani hpraw kawk 220, Yama htuk 1200 hpe hkap mu rim ai lam KIO shiga lawk kaw na chye lu ai re.
Dai hkap mu rim ai Salang gaw, Loi Je mare lawk (2) na Slg Maran Sut Ding Awng asak (31) ning re lam chye lu ai.
Kani nanghpam htaw shalai wa ai Salang wa hpe ya ten, Nmau Ginwang Ginjaw kata san jep ra ai lam ni hpe matut san jep taw nga ding yang re lam, KIO shiga lawk hta matut tsun da ai re.
Lai wa sai October 20 ya shani hta mung Namhkam na htaw lung wa ai Kani hpraw kawk 1012 hte Kani chyang hpe hkap mu rim wa ai re.
Sammung hte Jinghpaw mung lapran na Hinlung pawng hpawm shagyit hpe Nmau ginwang ginjaw kaw na dan tawk yu reng jumtek ai pawng hpawm shagyit kaba langai re lam chye lu ai.
