Wunpawng amyu bawsang hpan kaw na, Lisu hte Lhovo mying hpe a tsawm tup hkrak jaw ai hku, Ka jai lang na matu Jinghpaw mung rapdaw hpawng lamang kaw na daw dan shagrin dat sai lam chye lu ai.
Lasaw (sh) Lisรบ ngu ai hpe Lisu ngu na baw sang mying hpe jaw hkra ka nna, mying jaw ai hku shaga na matu Lisu htunghking hte lailai laika komiti kaw na hpyi shawn wa ai rai nga ai.
Dai zawn sha Lhovo hpe mung Myen laika hku ( แแฑแฌแบแแฑแซแบ ) Jinghpaw mying hku ( แแแฐ ) ngu shaga ai lam n galaw na matu tang madun hpyi shawn wa ai rai nga ai.
Dai zawn bawsang htunghking kaw na hpyi shawn wa ai lam hpe, Jinghpaw Mung hkringmang daju hte, Shinggyim Nauna Hkringmang yan kaw na seng ang ai htunghking komiti ningbaw salang ni hte sa hkrum jahta ngut ai hpang, rap daw hpawng lamang kaw tang madun wa ai rai nga ai.
Amyusha baw sang hte seng ai komiti ningbaw Salang Waimaw ginwang Mungdaw rapdaw dat kasa Salang Chang Jau Sah woi awn ai bawsang komiti hpung ni kaw na mungdaw rap daw de tang madun wa ai bawsang Mying Laika hte seng ai lam hpe Mungdaw rapdaw hpawng lamang kaw na ninghkap ai ni gadai nnga ai sha dawdan masat shagrin dat sai lam Jinghpaw Mung Asuya Shiga kaw tsun tawn ai re.
Jinghpaw Mung (4) lang na rapdaw hpawng lamang, nhtoi (4) ya ngu na hpawng lamang shani, masat dawdan shagrin wa ai rai nga ai.
rapdaw hpawng lamang de tang madun wa ai lam hpe Mani October praw 7 ya shani na rap daw hpawng lamang kaw na, Lisu, Lhovo ngu ai shingteng mying hpe jai lang na matu masat shagrin ya sai rai nga ai.
