Tagaung Ni-Ke Jak rung Hpe Myen Hpyen Dap Htim Gasat Na Matu Shajin Nga

Myen Hpyen dap Mandalay Ginwang shara yawng ngu na ram hpe gasat zing kau ai hpang, Tagaung Ni-Ke Jak rung hpe htim gasat na matu shakut taw nga ai re.

Myen HPyen dap n dai laman Hti Chyaik hpe htim gasat ai hta, Hti Chyaik Mya Taung lam numbraw shara hte Htichyaik Mali Hka mahkrai ni hpe htim gasat zing madu la lu sai lam, Myen Hpyen Shiga lawk ni hta tsun da ai re.

March 25 ya shani Myen Hpyen dap nbungli Drone ni hpe n gun dat jai lang nna, dai ginra ni hpe htim gasat zing madu kau wa ai mung rai nga ai.

Dai 25 ya shani hta sha Katha Mung Shawa Tsirung shara 2 hpe bawm jahkrat jahten kau ai hpang, Hpungkyi Jawng n ta kaba langai hpe bawm jahkrat bun wa ai majaw, Hpyen yen mung shawa tsa lam si hkrum wa ai rai nga ai.

Myen Hpyen dap ni gaw, n dai lanam rai n shang ai laman Mali hka lam yawng hpe bai lu ka-up madu na matu n dai laman hpyen n gun kaba hte htim gasat taw ai lam mung rai nga ai.

Ya ten Myen hpyen dap gaw, Mali hka lam mayan hpe bai gasat up madu la lu na matu hpyen n gun kaba hte htim gasat taw nga ai majaw, Hti Chyaik Katha muklum shara ni hta laja lana gasat poi byin taw nga ai re.