Myen Hpyen dap woi awn galaw ai Numbert langai na Ra lata poi lamang hta tau hkrau sindan pa a majaw, byin taw ai mang hkang lam ni hpe n hparan ai sha, Numdaw lahkawng na Ralata poi hpe bai galaw na hkyen shajin taw nga ai re.
January praw 5 ya shani Naypyidaw kaw galaw ai UEC the Mung masa Party ni hkrum jahta bawng ban ai lam hta tau hkrau sindan pa jaw ai lam hta brang lang ai lam n nga ai majaw, Myen Hpyen Party n re ai laga party ni sum ai lam Party de na Wuhpung nit sun madi madun ai re.
“Ra lata Poi galaw ai shara kaw gaw, Party ni dang ai, gara kaw na kaning rai du wa ai re n chye tau hkrau Sindan pa re nga dai hte dang la mat ai lam ni galaw ai majaw, anhte Party wuhpung de na UEC hpe hpyi shawn da ai, hpa hparan ya ai lam mung n galaw na ya Numdaw 2 Ra lata poi bai galaw wa ai re,” nga Party wuhpung maga na Myen Mung Shiga dap ni de tsun tawn ai re.
Party wuhpung maga na dai zawn, tsun madi madun ai rai tim, dai hpe gram shading sharai ai lam n nga ai sha, Numdaw lahkawng ra lata poi bai galaw na hkyen shajin taw ai re.
N tara Masu Hkalem ai ralata poi hpe dai zawn galaw na re chye nga ning len, shang shing jawng ai mung masa party ni a mara she re ai lam, Mung masa yu maram ai ni tsun madi madun da ai re.
Myen Hpyen dap galaw ai Ralata poi gaw, Numdaw langai lang na Ralata poi hta nan USDP Party ni yawng dang da sai majaw, HPyen dap Ningbaw Min Aung Hlaing Gumsan magam mai galaw sai nga mung masa yu maram ai ni tsun madi madun da ai re.
