Nam Um mare na, Mung Shawa Lamu ga mang hkang lam the seng nna, Kokang MNDAA the Mung Shawa ni lapran matut bawng ban jahkrup nga ding yang re lam chye lu ai.
Shaning ningnan hpang, Kokang MNDAA dap ni gaw, Nam Um Mare Mung Shawa tsi rung gaw gap na matu san da ai lamu ga shara de, Kokang Du langai a matsun hte nga na, Hpyen n gun kaba hte shang wa na, lamu ga shadawn masat la ai lam ni galaw wa ai rai nga ai.
Kokang dap ni dai zawn galaw wa ai hpe Mung Shawa ni sa jawm ninghkap ai majaw, ya ten du hkra shada naw jahkrup bawng ban taw nga ai masa kaw naw re lam ginra masha langai KNG Shiga de n dai zawn tsun dan wa ai re.
“Ndai laman gaw ga kanaw ai hpe gaw jahkring da ma ai, pru mat na lam nga n nga hpe chyawm a tsawm n chye lu shi ai, ya mare masha ni the jahkrup nga ding yang re lam,” ginra amyu shayi langai tsun dan ai.
Ya ten dai ginra masha ni gaw, Kokang dap ni dai Nam Um mare kaw na tsep kawp pru mat wa ya na hpe ga sadi ta masat hte hkrak galaw na matu shakut taw nga ai re.
Ya Kokang dap ni sa kashun ai shara gaw, lai wa sai ten Asuya lamu ga rai nna, n dai hpang daw, Asuya kaw na Mung shawa ni hpe bai ap ya ai lamu ga re lam chye lu ai.
Mung Shawa ni maga na mung dai lamu ga hta Ninghtawn madang re tsi rung gaw gap na matu hkyen taw nga ai kaw, ya na zawn sa kashun shara la wa ai re lam ginra masha ni kaw na chye lu ai re.
