India Mungdan kaw na, Jinghpaw Mung Ga Sau Nhprang hpe htaw shalai la na matu Mawdaw lam waw na hpe Myit hkrum da sai nga shiga gaw, n jaw n teng ai lam, Du kaba Nhpang Naw Bu Tsun ai re.
“Ndai Shiga gaw, maigan de nga taw ai Shiga dap ni majoi hkrup mara ka ai shi ga she rai na rai n hten, anhte KIO maga na ga sadi myit hkrum ta masat htu ai lam ni hpa mung n galaw ai,” nga tsun ai re.
India Asuya hte Wunpawng Mungdan Shanglawt Asuya lapran Gasau n hprang the seng na Myit hkrum lam n hprang myit hkrum wa ai nga, ‘Silicon Valley Times Website hta pru wa ai hpang, December 14 ya shani CNI Shiga ni hta pru wa ai lam rai nga ai.
Ya na zawn, n jaw n teng ai shiga hpe shapraw ai lam gaw, Mung dan kaba ni a mung masa shingjawng gasup ai lam hta KIO hpe jai lang ai hku ka shabrawng ai re lam matut tsun da ai re.
Ga Sau n hprang hpe htaw shalai na matu, India Nam Sai, Sumprabum, Njang Yang hku na Sengke lam hpaw na masing ni nga taw ai lam, mung matut tsun da ai re.
India Jinghpaw mung lam hpaw mat yang gaw, KIA a matu, laknak tsi mawan, malau masha ni htaw shalai la lu wa na masa nga ai hpe Myen Hpyen dap hkrit tsang taw ai mung rai nga ai.
India hte KIO hkrum ai shiga pru wa ai hpang, India the seng ai Myen Mung hkring mang wa kaw na Myen HPyen dap daju the sa hkrum jahta wa ai lam nga ai hpe chye lu ai.
