Hopin Nan Yin Mare na Ding lung Pa sa ai Lam ni hte Mahkrai ni hpe Myen hpyen hte Sam Hkyeng Pyithutsit ni htu di jahten kau ai lam galaw kau ya ai majaw ginra Mung Shawa ni ya ten grai yak hkak jam jau taw nga ai lam tsun ai re.
Ndai November Shata praw kaw na Myen Hpyen dap the Sam Hkyeng SNA dap ni hpyen shamu shamawt shang wa na, Hopin Nan Yin mare kaw na Ding Lung Pa sa ai lam mahkrai ni hpe htu di kau ya wa ai rai nga ai.
Sam Hkyeng Pyithutsit the Myen ni ya na zawn lam htu di kau ya ai majaw, Mung Shawa ni galaw lu galaw sha Hkauna sa lam yak hkak hkrum taw nga ai lam ginra masha langai KNG shiga de n dai zawn tsun dan wa ai re.
“ Myen Hpyen dap the SNA dap ni ndai laman Nan Yin mare shang nna, shan the n tsen n hten ai n ta hkan sawk jep hkawm na, lam ni mung htu di kau rai galaw nga ma ai, lam mahkrai htu di ai gaw, KIA PDF the matut mahkai ai lam hpe dan di ai ngu maram ai,” nga ginra masha langai tsun ai re.
Lai wa sai November 26 ya shani hta mung Hopin Nan Yin mare na Gat Seng lahkawng kaw na arung arai ni hpe mung lagu shaw htaw la ngut ai hpang wan nat jahten kau ya wa ai lam chye lu ai.
