Hpakant ginra kata November 20 ya jahpawt Myen Hpyen dap ra lata poi hpe ninghkap ai n gun madun poi lamang ni galaw wa ai hpe chye lu ai.
Ndai n gun madun poi lamang hpe ဖားကန့်မှော်လှည့်သပိတ် ni woi awn galaw wa ai kaw, Mung shawa marai 50 ram shang lawm na n gun madun wa ai hpe chye lu ai.
Dai n gun madun poi lamang hta “သင့်မဲဖြင့် တရားဝင် လူသတ်ခွင့်မပေးပါနဲ့ ဖက်ဆစ်ရွေးကောက် ခွေးထွက်ပေါက် မဲမပေးနှင့် သပိတ်မှောက်”၊ “အာဏာရှင် လုပ်တဲ့ ဒီမိုကရေစီ အပြောင်းအလဲဆိုတာ ဖာခေါင်းကလုပ်တဲ့ ပြည်တာဆာ ပပျောက်ရေးလိုပဲ ဖြစ်လိမ့်မယ်” ngu ai Pyen dau laika pa ni lang nna n gun madun wa ai re hpe mu lu nga ai re.
Ya galaw na ra lata poi gaw, Miwa garum madi shadaw ai the Myen HPyen dap woi galaw na ra lata poi lamang re majaw, Mung Shawa ni gadai mung n shang lawm na mung, Mung Shawa Wuhpung Wuhpawng ni tsun n dau da ai re.
Dai Sha n ga matut na mung “ဘယ်အာဏာရှင် စနစ်မှအလိုမရှိ” ၊ “ညစ်ပတ်တဲ့ စစ်တပ်အမြစ်ဖြတ်”၊ “တရားမဝင်အတုအယောင်ရွေးကောက်ပွဲ ရတဲ့နည်းနဲ့ ဆန့်ကျင်ကြ” ၊ “ပြည်သူ့ဘက်ကို မျက်နှာမူပါ ပြည်သူ့မေတ္တာစူးပါစေသား “ ngu ai marawn jahtau n sen ni the mung n gun madun wa ai rai nga ai.
N- gun madun poi lamang hta Myen Hpyen RA lata poi hpe jawm ninghkap ga. Arsean, Mungkan Rapdaw UN, Ameracan, Japan maigan mungdan ni kaw na mung Myen hpyen dap hpe madi shadaw ai lam n galaw na matu tsun hpyi shawn wa ai rai nga ai.
Du wa na December January Shata laman hta galaw mat na ra lata poi gaw, Myen Hpyen dap mung masa pru lam a matu Masu hkalem hkalau ai Ra lata poi re majaw, Mung shawa ni gadai n shang lawm na matu Rawt malan hpung maga tsun da ai re.
