Mogaung muklum kata dai ning laman hta Kani Nanghpam lu sha ai masha lani hte lani grau law jat wa ai hta, Jawngma ni mung grai law wa ai nga, ginra masha ni tsun ai re.
Ya ten, Mogaung muklum kata Kani Nanghpam dut mari ai shara gaw, ရွာသစ် lawk hta rai nna, dai shara kaw Yama tawng mi lap 2500 sha jaw ra nna, Kani hpraw nga yang mung, hkying mi kaw na mai marai lang taw sai lam sagawn chye lu ai re.
Lai wa sai ten gaw, dai hku yu maya masha ni hkrai rai tim, dai ning hkan na gaw, Jawngma ni mung Kani lu sha wa ai hpe mu lu ai nga, Mogaung ginra na amyu shayi langai KNG shiga dap de tsun dan wa ai re.
“Moi hkan gaw dai hku yu maya masha ni hkrai sha re, ya gaw, jawng ma ni ကျောင်းစိမ်းကျောင်းဖြူ the Kani dap kaw mari lu hkawm taw ai, ya sawng dik gaw ရွာသစ် lawk Eya ရုပ်ရှင်ရုံ makau kaw rai nga ai,” nga tsun dan ai re.
Kani dut mari galaw ai ni gaw, Mogaung ရွာသစ် lawk Eya ရုပ်ရှင်ရုံ makau muga ginsum gap na dut taw ai rai nna, sa mari lu sha ai masha ni mung dai hku samit the lang rai htu da na, lam n tsa hkan nga hkawm ai lam ni nga ai nga, ginra masha ni matut tsun dan ai re.
Dai shara hta lai wa sai ten hkan marai 10 jan sha kamawng ai rai tim, dai ning hkan nag aw, marai mali manga shi shani shagu kamawng taw ai lam chye lu ai.
Jinghpaw Mung Shara shagu hta, Myen Hpyen dap daru magam zing kau ai hpang, Kani Nanghpam lu sha ai masha grau law wa ai zawn, lagu lagut damya mya ai lam ni grau grau law wa ai re.
Kani Nanghpam law wa ai sha n ga, Hpaida dabang ni mung grau grau law wa taw nga ai re.
