Myitkyina Ginwang hte Hpakant Ginwang kaw mani October praw 8 ya n htoi the Myen Hpyen dap Martial Law bai masat ndau shapraw wa ai re.
Myitkyina Hpakant ginra ni hta Masha n kau gaw, Mung shawa ni a shim lum lam hpe ahtu hkra shangun ai lam ni galaw taw nga ai hpe mu lu ai nga tsun da ai re.
Dai zawn shim lum lam hpe ahtu hkra shangun ai majaw, Mung shawa ni a shim lum lam hpe tau hkrau makawp maga ai hku na tara kanu masat (144) hpe n dau ai lam re nga, seng ang ai Ginwang Uphkang Rung ni kaw na ndau da ai re.
Dai Martial Law masat ai hta, Masha marai 5 hta jan na n mai mahkawng na lam, Shana hkying 10 kaw na jahpawt hkying 4 aten du hkra shinggan de wam hkawm ai lam ni n mai galaw na lam tsun da ai re.
Ndai tara kanu masat (144) hpe Myen Hpyen dap daru magam zing kau ai hpang, 2021 ning hta mung kalang n dau wa ai hpang, ya kalang bai kahtap n dau wa ai lam rai nga ai.
