Wunpawng Mungdan Shanglawt Asuya KIC Ningbaw malai (1) Dukaba Sumlut Gun Maw shang lawm ai, Wunpawng Amyu sha Mung Masa Ginrat Hpung KPICT hte Committee Representing Pyidaungsu Hluttaw (CRPH) na lit nga ai Ningbaw Amu madu ni July 31 ya jahpawt hkying 8 aten hta, Online kaw na hkrum jahta wa ai lam chye lu ai.
Dai Hkrum Jahta hpawng lamang hta CRPH Ningbaw Salang Aung Kyi Nyut hte lit nga ai Salang na shang lawm wa ai rai nna, KPICT maga na KIC Ningbaw malai the KPICT Ningbaw Amu madu ni shang lawm na hkrum jahta bawngban wa ai hpe mu lu ai re.
Dai Zuphpawng lamang hta CRPH Amu madu Daw Phyu Phyu Tin kaw na 2025 ning laman hta galaw lai mat wa ai magam bungli lam ni hpe tang madun mat w anna, KPICT maga na mung ya galaw nga ai amu bungli lam ni the seng nna, tsun sang lang dan ai lam ni galaw mat ai re.
Dai hpang dai zuphpawng kaw shang lawm ai Myit Su Du Salang ni hku na mung ya rawt malan galaw taw nga ai, Hpyen Masa, Mung masa lam ni hta seng nna, Ningmu jaw ai lam ni galaw nna, shawng lam magam amu bungli ni hpe grau nna, tang du hkra, Myit hkrum let lata gindun jawm galaw sa wa na matu bawng ban jahkrup la lu wa ai lam chye lu ai re.
KPIT hte CRPH n hkrum ai shaning hku na mat ai hpang, ya kalang bai hkrum jahta bawng ban wa ai lam mung rai nga ai.
