𝐖𝐚𝐫𝐚𝐳𝐮𝐩 𝐏𝐲𝐢𝐭𝐡𝐮𝐭𝐬𝐢𝐭 𝐧𝐢 𝐊𝐈𝐎 𝐒𝐚𝐥𝐚𝐧𝐠 𝐊𝐚𝐛𝐚 (𝟏) 𝐇𝐩𝐞 𝐆𝐚𝐩 𝐒𝐚𝐭 nna 𝐌𝐚𝐫𝐚𝐢 (𝟐) 𝐇𝐩𝐞 𝐑𝐢𝐦 𝐖𝐨𝐢 𝐌𝐚𝐭

Warazup Pyithutsit hpyenla ni Danai Lamung Mare na KIO Salang Kaba Marai (1) hpe gap sat nna, Marai (2) hpe rim woi mat ai lam chye lu ai.

Lamung Mare Salang Kaba ni hpe sa gap ai wa gaw, KIO kaw na Warazup Pyithutsit de shang mat ai wa re lam chye lu ai.

November praw 1 ya shani hkying 10 ten daram hta, Salang La Htoi hte rau Pyithutsit Hpyenla marai 3 mung shawa hking hking nna, Noah Mawdaw achyang hte Salang kaba ni nga ai de sa wa nna, KIO Salang kaba ni hpe sa shachyen shakram na gap sat kau ai masa lam hpe dai ginra kaw nga ai Salang langai KNG de n dai zawn tsun dan ai re.

“𝑺𝒂 𝒈𝒂𝒑 𝒂𝒊 𝒘𝒂 𝒈𝒂𝒘 𝑳𝒂 𝑯𝒕𝒐𝒊 𝒏𝒈𝒖 𝒂𝒊 𝒘𝒂 𝒓𝒆 𝒅𝒂, 𝑺𝒉𝒂𝒏𝒈𝒍𝒂𝒘𝒕 𝒌𝒂𝒘 𝒏𝒂 𝑺𝒂𝒍𝒂𝒏𝒈 𝒌𝒂𝒃𝒂 𝒈𝒂𝒍𝒂𝒘 𝒕𝒂𝒘 𝒂𝒊 𝒔𝒉𝒆, 𝒉𝒌𝒂 𝒏𝒂𝒖 𝒌𝒂𝒑 𝒎𝒂𝒕 𝒏𝒏𝒂, 𝑺𝒉𝒂𝒏𝒈𝒍𝒂𝒘𝒕 𝒅𝒂𝒑 𝒌𝒂𝒕𝒂 𝒏𝒂 𝑪𝒐𝒎𝒑𝒖𝒕𝒆𝒓 4 𝒎𝒖𝒏𝒈 𝒉𝒑𝒂𝒊 𝒎𝒂𝒕 𝒘𝒂, 𝒈𝒖𝒎𝒉𝒑𝒓𝒂𝒘 𝒎𝒖𝒏𝒈 𝒉𝒌𝒂 𝒌𝒂𝒑 𝒓𝒂𝒊 𝒎𝒂𝒕 𝒋𝒂𝒏𝒈 𝒔𝒉𝒆, 𝑴𝒚𝒆𝒏 𝒉𝒕𝒆 𝒎𝒖𝒏𝒈 𝒌𝒂𝒏𝒂𝒘𝒏 𝒓𝒂𝒊, 𝑴𝒚𝒆𝒏 𝑫𝒖 𝒍𝒂𝒏𝒈𝒂𝒊 𝒉𝒑𝒆 𝒔𝒂𝒖 𝒔𝒉𝒂𝒍𝒂𝒊 𝒚𝒂 𝒏𝒂 𝒏𝒈𝒖 𝒈𝒖𝒎𝒉𝒑𝒓𝒂𝒘 𝑺𝒆𝒏 800 𝒅𝒂𝒓𝒂𝒎 𝒎𝒖𝒏𝒈 𝒍𝒂 𝒔𝒉𝒂 𝒕𝒂𝒘𝒏 𝒂𝒊 𝒅𝒂. 𝑴𝒚𝒆𝒏 𝒅𝒖 𝒘𝒂 𝒎𝒂𝒈𝒂 𝒔𝒉𝒂𝒈𝒚𝒆𝒏𝒈 𝒋𝒂𝒏𝒈 𝒔𝒉𝒆 𝑴𝒊𝒏 𝒁𝒂𝒚 𝑻𝒉𝒂𝒏𝒕 𝑷𝒚𝒊𝒕𝒉𝒖𝒕𝒔𝒊𝒕 𝒅𝒆 𝒍𝒖𝒑 𝒓𝒂𝒊 𝒉𝒑𝒓𝒂𝒘𝒏𝒈 𝒔𝒉𝒂𝒏𝒈 𝒎𝒂𝒕 𝒂𝒊 𝒘𝒂 𝒓𝒆.” nga tsun ai.

Salang La Htoi hte Pyithutsit Hpyenla yawng marai (3) gaw Mung shawa hking lang nna, dai salang kaba ni nga ai de sa nna, sa shachyen shaga masu nna, mawdaw kata na sinat shaw gap sat ai lam byin wa ai hpe chye lu ai.
Gap sat hkrum ai Salang kaba wa gaw, Hpadip n pu salum hte yang kaw gap hkra ai majaw, dai shara kaw nan kalang ta si mat ai lam chye lu ai.

Ngam ai marai lahkawng hpe mung mawdaw hte rim woi mat ai rai nna, ya ten gara shara kaw kaning zawn rai rim sharen dai ngu hpe tup hkrak n chye lu ai re.

Salang Kaba ni hpe sa gap sat ai Slg Lahtoi hpe Pyithutsit dap kata shang wa ai ten Lat Du aya shagan langai shakap da ya nna, Dainai hte Jahtuzup mare lapran kaw mung shawa hking hking nna ding yang shamu shamawt na nga ai Salang re lam matut chye lu ai.

Hugawng Lido lam mayan Min Zay Thant Pyithutsit maga ya na zawn KIO magam gun ni hpe rim gap sat ai lam ni jahkring hkring galaw nga ai lam hpe mu mada lu nga ai re.

Lai wa sai September shata kaw mung Nawnglung Kawngra mare na, Salang langai hpe sa gap sat ai mabyin lam nga lai wa sai re.