Hpakant Mawsiza mare hta Lungseng n-hkun gyi ru ai majaw, mung shawa yawm dik marai 20 ram bai si hkrum wa ai nga ginra masha ni tsun ai re.
November 10 ya shana hkying 12 daram hta Hpakant Mawsiza mare na Tin Aung Chyai Copany lungseng n hkun dingsa gyi ru wa ai majaw mung shawa si hkrum wa ai rai nga ai.
Dai ga gyi ai hta, Company mawdaw 2 lawm mat nna, Company magam gun marai 3 mawdaw Sara 2 ngam ai gaw Yemase la ni re nga tsun dan wa ai re.
“Ga gyi ai hta myeza htaw ai mawdaw lahkawng lawm mat ai, dai kaw mawdaw gau ai yan hte mawdaw hpang hkan ai langai, Company magam gun marai 3, ngam ai gaw Yemase la ni re.” nga tsun ai.
Dai ga gyi kaput hkrum ai hta, garum ningtum hpung ni gadai hpe mung n shang shangun ai majaw yak hkak taw nga ai lam chye lu ai.
Dai Ga gyi ru ai lam gaw mawdaw lahkawng Myeza ga htaw ru ai kaw na gyi ru wa ai re nga ginra masha ni tsun ai re.
Hpakant ginra hta ga shingbut gyi ru ai majaw masha si hkrum ai lam ni shaning shagu byin taw nga ai re.
