Shiga

Dr. Hkalen Tu Hkawng: Mung Shawa de sang lang ai lam

Dr. Hkalen Tu Hkawng a Facebook kaw ka da ai hpe kalang bai shabra ai re.

Ngai hpe jaw da ai Hkringmang Aya gaw ngai hpe kam nna n rai. Anhte amyu hpe kam nna rai nga ai. Grau nna gaw Wunpawng Mungdan Shanglawt hpyendap hpe kamhpa myit a majaw n lu n da nga nna KPICT salang ni hpe hpyi shawn ma ai.

Ap nawng na salang langai hpang langai matut mahkai tam yu tim aten kadun laman tinang a magam bungli kabai da ra na hpe dawdan la yak ai hkrai rai nga ai. Dai majaw hpa mi raitim yawng shanglawm bungli jawm galaw lu na matu dai aya hpe hkapla da nngai.

Machyoi chye munu sara kaba ni, Nhprang Sutrai hte Makau Grup yin gawnhkang myit lawm ai ni, CSO ni, NGO ni, seng ang ai Salang Ningbaw Ningla ni yawng hpang de hpyi shawn mayu ai gaw, bungli jawm galaw ga. Matut mahkai wa marit. Tinang kungkyang dum ai, myit lawm ai lawnglam ni hpe asan sha tsun ga. Yawng ma shanglawm na hpe myit mada nga nngai.

tuhkawng@protonmail.com

NUG hta Gumsan Usa Win Myint hte Aung San Suu Kyi lawm ai hte seng nna anhte KPICT hku nna mung ram ram dangrang saga ai.

Raitim,

(1) Mungkan Mung masa pinra hta Tara Shang Asuya ngu ai hpe shachyaw la lu na matu mi shawng na Tarashang mying kaw shachyaw la ra ai majaw rai nga ai. (Credential issue)
(2) Ndai rawt malan awngdang na matu Myen Amyusha Mungchying shawa a shanglawm na n-gun kaba hpungtun n lu n mai rai nga ai. Mung shawa a madi shadaw ai gaw ahkyak madung re hpe myit hkawn let myit hkrum saga ai. (Public legitimacy)
(3) Ndai ten hta shanhkawng hpe mi shara jaw da tim madung Bungli galaw lu na gaw Ningtau Gumsan Magam wa she rai nga ai.
(4) NUG gaw Mungdan ting hte seng ai Pranwan Asuya raitim tinang a Buga Asuya (local government) ni mung nau n na ai ten hta laksan hpaw sa wa na re. Dai kaw mung yawng gwi gwi shanglawm ga.

Ya tenMyen Mung ting a aya kaba dik Gumsan Magam hpe mung anhte madu da saga ai. Makawp maga na lit anhte kaw rai sai. Awngdang na matu yawng a n-gun sha ra sai.

Related Articles

Leave a Reply

Your email address will not be published. Required fields are marked *

Back to top button