Jinghpaw Mungdaw Manje daju Wunpawng Mungdan Shanglawt Hpyendap nkau hpe Myen hpyendap gaw Drone hte kyin yu yu ai lam Free Burma Rangers January 29 ya shani tsun ai re.
Chyauk Hpya Myen hpyendap kaw nna KIA dung 12 hte dung 27 dap daju ntsa kaw nna Hpyen Drone hte gawan yu ai nga nna ndau da ai re.
Bai nna Myen hpyendap gaw hpakan e ntara gumhpraw hta sha ai lam, Machyang Baw e mawdaw gau ai masha langai hpe sinat gap bun ai lam, Danai Awnglawt mung shawa ni hpe pat hkum ai lam ni galaw ai nga nna ka da ai re.
Jinghpaw mungdaw Waimaw ginwang, Gang Dau yang ginra, Manje ginra ni hta mung majan byin wa ai rai nna, lahta Sam mung e mung majan 9 lang byin ai lam tsun da ai.
Bai nna Balawng Amyusha Rawt Malan Hpung TNLA hte Myen hpyendap a majan ni hpe mung tang madun tawn ai re.
