Sengtawng Mare hpe nat jahten na matsun jaw ai Dap Up Dukaba wa hpe lu gap sat kau sai

Hpakant Sengtawng majan kaw na hprawng lawt mat ai Myen hpyen dap up Dukaba Thet Paing Htun hpe KIA dap maga gap sat kau lu sai lam shawng lam magam gun ni kaw na chye lu ai.

Sengtawng mare hpe nat jahten na matu matsun jaw ai Myen hpyen dap (Hk L Y 119 ) dap na dap up Dukaba Thet Pai Htun gaw Seng Tawng majan ten, Lucky Men Hotel kata shata mi ram wang da hkrum ai hta, October 8 ya shana KIA dap htim gasat shagrawt ai ten Dap up Dukaba hte Siniper sinat lang ai yan hte hpawn hpyen la marai 10 ram hprawng lawt mat ai re.

Dai hprawng lawt mat wa ai Myen hpyen hpung ni hpe KIA dap maga na n htoi 2 ya hkan shachyut gap gasat ai hta, Uru hka kau hta si taw ai mang hpe sa mu hta la ai re nga, shawng lam magam gun langai tsun dan wa ai re.

“ re ai dai hpawt manap Lung Seng gat lawk shing du Uru hka kau kaw sa mu la ai’ nga tsun dan wa ai re.

Dai Myen hpyen Dukaba Thet Pai Htun gaw Sengtawng mare hpe wan nat jahten ai hta madung lit la matsun ai wa re lam chye lu ai.

Sengtawng mare Luckymen Hotel hpe KIA dap maga October 8 ya jahpawt yawng zing madu kau lu na, ya ten Sengtawng mare hpe KIA up madu da sai re.