Mungdan ting madang majan laja lana byin taw nga ai ten, Myen hpyen dap ra lata poi galaw na matu hkyen shajin taw nga ai majaw, Jawng Saranum ni shim lam a matu myit tsang ai nga Jawng Saranum magam bungli galaw taw nga ai ni tsun ai re.
Ra lata poi laman galaw ra ai jahpan ni yawng hpe jawng saranum ni hpe hkrai galaw shangun ai majaw, n dai kalang na ra lata poi hta mung, Jawng Saranum ni hpe hkrai bungli bai ap hkrum na dingbai ding na byin wa na hpe myit tsang ai lam, Jawng Saranum langai KNG shiga de n dai zawn tsun dan wa ai re.
“Shawoi hkan na r alata poi gaw yawng madi shadaw shang lawm ai r alata poi le i? n dai kalang na gaw Mung Shawa ni n ra ai ra lata poi, ngut na mung တော်လှန်ရေး maga ni mung n shang lawm na matu tsun da ai bai rai, an hte Jawng Sarama ni gaw kaning n chye di ai na yak nga ga ai,” nga tsun dan wa ai re.
Myen Hpyen Dap galaw na Ra lata Poi hta Myen Hpyen dap maga na gaw, Jawng Saranum ni hpe hkrai Bungli shatsam ai mung rai nga ai.
Mung Shawa madi shadaw ai lam n nga ai, r alata poi re majaw, Shim lum lam the seng na Myit tsang ai lam mung rai nga ai.
Myen Hpyen dap Ralata poi Tara Kanu ningnan the rim ahkyak la da ai masha marai 100 jan du sai lam chye lu ai re.
Rawt malan hpung ni maga na mung, Ra lata poi hta shang lawm ai ni hpe rim ahkyak la na Tara kanu hpe shapraw na lam n inga taw ai hpe sagawn chye lu ai re.
Ya na zawn, Asuya lahkawng maga na Tara kanu ni masat shapraw wa ai majaw, Jawng Saranum ni lapran hta nga yak wa ai re lam tsun da ai mung rai nga ai.
