Langse hte Hkawnglan Hpu lapran na Hkrai noi 10 jan hpe Pyithutsit ni kapaw jahten
Hkawnglanhpu ginra de KIA PDF shang wa na hpe myit tsang ai majaw, Myen Hpyen dap hte Pyithutsit ni gaw Mare langai hte langai hpe matut da ai Mahkrai hkrai noi 10 jan hpe kapaw jahten kau sai lam, ginra masha hte ni nawn ai ni kaw na chye lu ai.
Lai wa sai Shata hta KIA KPF dap maga Lahe Sin dap shara hpe htim gasat zing madu kau ai hpang, Shing Khawng maga de na dap shara hpe mung bai htim gasat wa ai rai nga ai.
Dai dap shara ni hpe gasat zing kau ai hpang, Hkawng Lan Phu ginra de KIA PDF dap ni n shang wa lu hkra, Lang Se hte Hkawnglanhpu lapran na hkrai noi 10 jan kapaw jahten kau ai re lam ginra masha the ni nawn ai Salang langai KNG shiga de n dai zawn tsun dan wa ai re.
“Dai ginra de gaw Bum tsaw hka shi hka nu ni the matut da ai ginra ni hkrai re. hpungyawt na mai rap ai hka shi langai ma n nga ai, dai majaw mare langai the langai matut ai hka shi yawng kaw, mahkrai hkrai noi galaw da ai rai nga ai, dai hpe ya n dai laman Shanglawt hpyen la hte PDF dap ni shang wa na hpe hkrit na mahkrai 10 jan kapaw di kau ma masai da.” Nga tsun dan wa ai re.
Masat 30 jarit shadaw makau grup yin na dap shara langai hpe KIA KPF ni gasat zing la lu wa ai hpang, dai ni mung majan matut naw byin taw ai lam matut chye lu ai re.
Dai hkrai noi ni gaw, lai wa sai 2003, 2004 ning hkan KIO gaw sharawt masing hte ginra masha ni the pawng nag aw gap da ai hkrai noi ni re hpe sagawn chye lu ai.
Hkawnglanghpu ginra gaw Myen Hpyen dap Ra lata poi galaw na matu hkyen shajin taw da ai ginwang langai mung rai nga ai.
Dai zawn Ra lata poi galaw na matu hkyen nga ai ginra de KIA ni shang wa na Ralata poi n byin mat na Myit tsang nna, Hpyen n gun grai htaw lahka bang taw ai nga ginra masha ni matut tsun ai re.
Lai was ai n htoi 3 ya ram hta Myen hpyen Holicopter nbungli hte Putao Hkawnglanhpu lapran lani mi 5,6 lang gahkrang taw nga ai lam, Putao ginra masha langai mung KNG shiga dap de tsun dan ai re.
