Myen Hpyen Dap Ralata Poi lamang shang shingjawng lawm na Party ni hpe Ralata poi hkan woi zinlum ai n htoi ladaw Shata 3 masat da ya ai lam, Ralata Poi Commission n dau dat ai re.
Ralata Poi zinlum ladaw hpe October 28 ya shani kaw na December 26 ya shana du hkra masat ai lam n dau wa ai re.
Ra lata poi galaw ai aten ladaw laman hta kasu kabrawng byin wa chye ai majaw, ra lata poi shang na Party wuhpung mash ani yawng sadi maja na galaw na lam, Myen Hpyen dap ningbaw Min Aung Hlaing NCA 10 ning hpring poi lamang hta tsun mat ai re.
Ya du wa na Ra lata poi hta, Mungdan ting madang hku Party 6 shang shingjawng mat na rai nna, Mungdaw madang hku na gaw, Party 57 shang shingjawng mat na lam chye lu ai.
Ndai Ralata poi hpe numdaw the numdaw galaw mat wa na rai nna, shawng ningnan numdaw hta gaw, Ginwang 102 hta galaw mat na lam tsun da nna, numdaw 2 ngu na hta gaw, ginwang 100 jan hta bai galaw mat na lam tsun da ai rai nna, Hpang jahtum numdaw 3 hku na gaw, ngam nga ai ginra yawng hta bai matut galaw mat na lam tsun da ai re.
Myen Hpyen Kongsi Hpung shang malawm Hpawmi Nbrang Doi Bu the Salang Hkyet Hting Nan yan mung ra lata poi shang shingjawng mat nah pe chye lu ai.
Hpawmi Nbrang Doi Bu gaw, Masat 5 Amyusha Rapdaw kaw na shang shingjawng lawm mat na rai nna, Salang Hkyet Hting Nan gaw, Myitkyina Mung Shawa Rapdaw kaw na shang shingjawng lawm mat na lam sagawn chye lu ai.
Ndai r alata poi hpe Mung shawa madi shadaw ai lam n galaw na hte yawng jawm ninghkap na lam, rawt malan hpung ni maga tsun da ai re.
Dai zawn sha Wunpawng Mungdan Shanglawt Hpung hku na mung, ndai kalang na ra lata poi lamang hpe n madi shadaw ai zawn, KIO uphkang ginra ni hta galaw lu na n re lam tsun n dau da ai re.
