Muse Manmau kyuhpyi bum de Myen hpyen dap htu shadut lung wa ai majaw, Myen hpyen dap hte Wunpawng Mungdan Shanglawt Hpyen Dap KIA lapran majan gap gasat hkat taw nga ai lam ginra masha ni kaw na chye lu ai re.
KIA ni dap jung shara jahkrat nga ai, Manmau kyuhpyi bum de Myen hpyen hpung ni mani kaw na htu shdut lung wa ai majaw dai hpawt November praw 1 ya jahpawt hkying 7 ram kaw na gap gasat hpang wa ai lam ginra masha langai n dai zawn tsun ai re.
“Manmau kyuhpyi bum maga de Myen ni lagu lung wa na gap hkat taw nga ai, ya mung pre she nga gap hkat taw nga ai, Laknak kaba ni ding yang matut naw ngoi nga ai,”nga tsun dan ai re.
Muse makau grup yin yawng hta 1027 majan masing ten hta pawng hpawm dap maga yawng htim gasat zing madu da nna, Muse mare kaba hpe Miwa Asuya a dip n’gun jaw ai lam a majaw, n gasat zing ai sha tawn da ai mung rai nga ai.
Ya Majan byin nga ai Manmau kyu hpyi bum gaw Muse mare hte deng 5 daram sha tsan ai shara mung rai nga ai.
