Pangwa kaw ni Miwa hkran de hprawng yen mat ai Myen hpyen 100 jan hpe Kanpaiti hta bai wa sa tawn
Pangwa kaw na Miwa hkran de hprawng shang mat ai, Myen hpyen n’gun 100 jan hpe Kanpaiti mare hta bai wa sa bang da ai majaw, ya ten Kanpaiti mare hta hpyen masa shaja hkat taw nga ai re.
Sin Chyai jarit sin dap na Myen hpyen la the Pyithutsit hpyen hpung ni yawng mung Kanpaiti mare de wa pawng rawng mat ai majaw ya ten, Kanpaiti mare hta Myen hpyen n’gun tsa kaba nga taw nna, KIA dap the hpyen masa shaja hkat taw nga ai re.
Dai ginra hta ya ten, Myen hpyen dap ni kaw na mu ai ramma yawng hpe hpyen rim lahkawn ai lam ni galaw taw nga ai nga dai kaw bungli galaw nga ai ramma langai KNG de tsun dan ai re.
“Ya the Pangwa kaw na Myen hpyen la ni mung Kanpaiti de bai du shang wa ai majaw, mung shawa yawng hprawng yen ma sai, mung shawa ni gaw, Shanglawt hpyen la ni shang wa na hpe la she la, Myen ni du wa ai kaw na gaw, mu ai ramma yawng hpe rim shatsang wa re majaw, ya gaw yawng hprawng yen ma sai,” nga tsun ai re.
Myen hpyen dap the Pyithutsit maga na mung KIA hpe hkap shingla gasat na matu သီးနှံဂိတ် rai n du shi re, Ba dawn gate makau grup yin hta dap shara grai shagreng na nga taw ai lam matut tsun dan ai re.
Kanpaiti hta Myen hpyen dap kaw na Wunpawng ramma ni hpe rim shatsang nga ai majaw, Ginra masha yawng KIA lawan shang wa na hpe myit mada la taw nga ai lam, ginra mash ani tsun ai.
Myen hpyen dap the Pyithutsit maga ya na zawn ramma ni hpe nau rim shatsang ai majaw, bungli galaw masha hte mung shawa ni yawng hprawng yen ma sai lam matut chye lu ai.
