Syria mung sinpraw-dingdung, Rojava mare kaw Kurds masha ni hpe hkye mawai ai masing hta Du Jum Sumhka Zau Seng gaw November praw 3 ya shani hpyen ni gap ai laknak kaba pala hkra nna, n nga mat wa sai re.
‘shawnglam majan pa machyi hkrum ai ni hpe hkye mawai tsi lajang nga yang, Motor wa hkrat ai majaw nnga mat ai lam’ Free Burma Ranger woi awn ai David Eubank ndau hta mu lu ai re.
Dinghku de ladaw nna shi ai zawn, shi nnga mat ai nhtoi November praw 3 mung, shi kasha a laning mi ladu hkrum shangai nhtoi hta rai nga ai.
Share shagan Zau Seng gaw Free Burma Rangers e 2002 ning kaw nna magam gun nga ai re. FBR masing hte majan ginra Myen mung sha n ga, Iraq hte Afghanistan mungdan ni hta mung ap nawng lai wa sai re.
Ntara dip gamyet hkrum ai ni hpe garum lu na matu, FBR wuhpung hpe 1997 kaw nna hpaw ninghtan ai rai nna ya ten magam gun marai 300 jan hte majan byin ai shawnglam ginra ni hta shamu shamawt nga ai lam chye lu ai.
