Mana Hkying 6 daram hta, Wanleng lam mayan Nbung laru marang kaba htu ai majaw, Hpyen yen mung shawa dum n ta ginsum n kau hten za hkrum wa ai lam chye lu ai.
April praw 1 ya shana hkying 6 aten daram hta, Nbung laru marang kaba htu wa ai majaw, Namti mare na, Hpyen yen Plastic muga ginsum dum n ta nkau laru kaw bung lawm mat ai majaw dum n ta n kau hten za hkrum wa ai lam Namti Hpyen yen mung shawa langai KNG shiga dap de tsun dan ai re.
“Mana maga hkying 6 ram kaw na gaw, Namti kaw gaw tsawm ra laja ai ga rai nga ai, Nbung hte Marang hte rai na hpyen yen dabang na muga ni gun mat, nkau hkan gaw ginsum ni malawng ma re lam ni byin ai ga rai nga ai.”nga tsun dan ai re.
Dum n ta n kau Muga galup da ai ni yawng gun ayai mat ai majaw, mana na n htoi hta hpyen yen mung shawa ni mai byin ai hku na marang lapran nga shalai wa ai lam hpyen yen mung shawa ni tsun ai re.
Dai hpawt manap kaw na gaw, laru a majaw, hten mat ai dum n ta n kau hpe bai gram lajang gaw gap ai lam ni galaw taw nga sai hpe chye lu ai.
Ya na zawn, Nbung laru hpe dang hkam lu na matu hpri tsut hpri pa galup ai dum n ta ni lu gawgap rawng ai rai yang grau na mai kaja na re nga, hpyen yen mung shawa ni tsun ai re.
Lai wa sai bat hta mung nbung laru kaba wa ai majaw, Manmaw hpyen yen mung shawa n kau hte Hpakant hpyen yen mung shawa n kau laru tsin yam hkrum sha lai wa sai re.
