Myitkyina Nbungli pyen kahkrang ai lam hpe, du wa na praw 5 ya shani kaw na pyen sana re lam, Nbungli Lekmat dut ai ni kaw na chye lu ai.
Lai wa sai February 20 ya shani Drone bawm hkrat ai nga na, pat da ai Myitkyina Nbungli Pa hpe lai wa sai bat lahkawng ram kaw na nbungli pa bai hpaw sai lam n dau ai rai tim, nbungli pyen gahkrang ai lam n nga wa ai re.
Dai zawn nbungli pyen gahkrang ai lam n nga ai kaw na, du wa na April praw 5 ya shani kaw na gaw, Pyen sana re lam hpe tsun shana wa ai nga, lekmat dut ai ni KNG shiga de tsun dan wa ai re.
“Nbungli lekmat yawng hpring taw sai, praw 5 hte praw 8 n htoi lahkawng ya na matu sha naw jahkrat jaw ai, dai n htoi lahkawng y ana gaw yawng hpring taw sai,” nga tsun ai re.
Dai ni kaw na lekmat dut hpang ai gaw, April praw 5 hte praw 8 ya nhtoi lahkawng y ana matu sha naw jahkrat ya ai lam matut chye lu ai re.
Ndai kalang Myitkyina Nbungli Pa bai hpaw wa ai ten, Myitkyina Mandalay nbungli manu Sen 7 grup yin nga ai rai nna, Myitkyina Yangon nbungli manu gaw Sen 9 daram nga ai lam chye lu ai re.
Jinghpaw mung de pyen ai nbungli line ni gaw Myanmar National Airline sha n ga, Air KBZ (KBZ Airlines)၊Mann Yadanarpon ၊AirlinesAsian၊ Wings Airways (ceased operations 2019) ၊Air Bagan (ceased/merged status historically)၊ Golden Myanmar Airlines၊ Yangon Airways ni re lam chye lu ai.
Nbungli bai pyen na lam hte seng na, KNG maga lit nga ai asuya maga na tara shang tsun dan ai lam hpe rai n chye lu shi ai rai nna, n dai lam gaw, nbungli lekmat dut ai ni kaw na chye la ai masa sha naw rai nga ai re.
Myen Hpyen dap maga na gaw, Myitkyina Mung Shawa Nbungli Pa hpe pat tawn ai rai tim, Hpyen dap hte ni nawn ai mung shawa ni hpe Hpyen n bungli Y12 hte htaw gahkrang ya ai lam ni nga wa ai hpe sagawn chye lu ai.
