Gumshem Myen Hpyen Dap Ningbaw Min Awng Hlaing gaw, Shi a Dap Awn Daju shara hpe shi kamhpa dik htum ai, Du Daju Jum Ye Win Oo hpe ap jaw ai lamang dai hpawt manap Naypyidaw kaw galaw mat ai lam chye lu ai.
March 28 ya jahpawt Gumshem Myen Hpyendap Ningbaw Min Aung Hlaing wa gaw, Dap Awn Daju magam lit galai ap ya ai hta shi kam dik htum ai, Dukaba Ye Win Oo hpe ap ya wa ai rai nna, Ningtau Dap Awn Daju hpe gaw, Dukaba Kyaw Swar Lin hpe ap ya mat let, No. 3 kaba dik (ကြည်း၊ ရေ၊ လေ) ညှိနှိုင်းကွပ်ကဲရေးမှူး hpe gaw, Dukaba Ko Ko Oo hpe shatsam mat ai lam, Myen Hpyen Shiga dap ni hta ndau tawn ai re.
Hpyen Awn tsang galai kachyai ai lam hpe dai hpawt manap Naypyidaw Muklum Zayyar Thiri htingnu hta galaw mat ai rai nna, Hpyen Dap kata na n tsang tsang ningbaw ni yawng sa du shang lawm wa ai hpe mu lu wa ai re.
Ya bai lung wa ai, Dukaba Ye Win Oo gaw, Min Aung Hlaing Dap Awn Daju galaw nga ai ten, shi a myi na tai ya wa ai kam ram dik ai masha re nga, Myen HPyen dap the ni nawn ai ni tsun da ai re.
