Namti Mogaung grup yin ni hta, March 14 ya shana hkying 6 ram hta Sin marang kaba hkrat ai majaw, Mung Shawa dum n ta hte Hpyen Yen ginsum law law waw hten mat ai lam chye lu ai.
Dai shana hkrat ai Sin marang gaw, Udi daram kanoi kaba ai sin marang ni re majaw, Namhkan sha mat sai hpri tsut ni yawng gaw waw ma ai sha n ga, Hpyen yen ginsum hkan na Muga n kau mung je ma ai lam chye lu ai.
“nta dingsa hkan na namhkan sha ai hpri tsut ni gaw lawng lawng sha re, hpyen yen Muga ginsum ni mung Muga yawng je, krauda n pu hkan she makoi gawp ra mat ai,” nga tsun dan ai re.
Marang si hkrat na hten mat ai dum n ta n kau hte hpyen yen dabang hkan na ginsum ni bai gawgap la na matu garum ningtum hkyak hkyak ra taw ai lam chye lu ai.
Dai ning hkrat ai marang si kaba gaw, shawoi hkan hkrat ai marang si ni hta grau kaba ai re majaw, hten za ai dum n ta ni mung law law nga wa ai hpe chye lu ai re.
