Sagaing Hpaung Pyin Ginwang na Sau Ginlen dabang Shara hpe Nbungli Bawm Wa jahkrat
Sagaing ginra, Hpaung Pyin Ginwang Haw Zau hte Pa Koi (ဖောင်းပြင်မြို့နယ် ဟော်ဇောင်းရွာ – ပါကွဲရွာ) lapran na Jaksau Ginlen ai Shara hpe Myen Hpyen Nbungli Bawm wa jahkrat bun ai majaw, Sau Mawdaw law law wan hkru hten nna,Masha Si hkala ai lam law wa ai nga shawng lam hpyen magam gun ni kaw na chye lu ai.
March praw 6 ya shana de hkying 4 aten daram hta, Mung shawa ni sau hpaga dut ginlen ai shara hpe n bungli lahkawng lang dat bat na wa jahkrat bun ai majaw, Mung Shawa si hkala law wa ai lam hte seng na n dai zawn tsun ai re.
“Jet Nbungli the lahkawng lang da bat sa jahkrat bun kau da ai, kalang sa jahkrat ai hpang, dai kaw nga ai mung shawa ni yawng hprawng yen ai, dai hprawng yen ai ni hpe kalang bai hkan jahkrat bun ai majaw, Mung Shawa Si hkala ram ram law mat ai, dai kaw Sau htaw mawdaw Pai Hkra yawng rai yang latsa ram gaw nga na re, yawng hkru jawng taw sai,” nga tsun dan wa ai re.
Nbungli Bawm jahkrat bun ai majaw, dai kaw kalang dat si ai gaw marai 2 mu ai rai tim, kaja tatut masa lam kaw n dai hta grau law na masa ng anna, Hkala ai masha mung law dik na masa nga ai lam shawng lama magam gun wa matut tsun ai re.
Dai Shara gaw, Mung Shawa ni Sau ginlen ai sau ginlen dabang shara re lam chye lu ai.
Sau ginlen ai shara re majaw, Sau Pepa hkying lam nga ai shara re lam matut chye lu ai.
Dai jak sau ni gaw, Jinghpaw mung hte Sagaing ginra ni de htaw ginlen shalai ai jak sau ni re majaw, Jinghpaw mung de Sau manu grau laja wa na masa nga ai lam ginra masha ni tsun maram nga ai re.
Ya Nbungli bawm wa jahkrat ai shara gaw, lai sai shata kaw mung wa jahkrat bun wa yu ai shara rai nna, n dai kalang hte rai yang lahkawng lang rai sai lam chye lu ai.
Ya ten Mandalay Myitkyina Gatdara Mawdaw lam kaba hpe Laknak lang wuhpung lahkawng maga pat da ai majaw, Nam koi lam hku na hkrai lai ra ai majaw, hkrun lam mayak law law byin hkrum hkra taw ai mung rai nga ai.
