Manmaw Majan hta Dai ni shani ka-ang Myen Hpyen Holicopter langai hpe Gap hkra dat ai lam, Shawng lam hpyen magam gun ni tsun ai re.
Dai Helicopter gaw Manmaw de March praw 6 ya shani ka-ang hkying 11 chyen aten, Ts.K.Hk (21) Dap shara makau kaw yu wa ai ten Pawng hpawm dap maga na gap hkra dat ai lam chye lu ai.
Dai gap hkra dat ai Helicopter gaw Shwegu de pyen gayin nda mat ai lam the seng nna shawng lam magam gun langai KNG de n dai zawn tsun dan wa ai re.
“Anhte maga na ni gap gaw gap hkra dat ma ai, hkrat hkra gaw n re, gap hkra dat ai majaw, bai pyen gayin n da mat na, ya gaw Shwegu Hpyen dap kaw wa hkring na gram taw ai nga tsun ma ai,” nga tsun dan wa ai re.
Manmaw Majan n dai laman grai wa laja lana htim gasat ai lam n nga tim, Laknak kaba Drone gap shapyen bun hkat ai lam ding yang galaw nga ai hpe chye lu ai.
Manmaw hpe 2024 December praw 4 ya jahpawt kaw na htim gasat ai ya Laning mi Shata lahkawng du sai re.
