Myitkyina Muklum kata n dai laman gunrai shang ai lam n nga mat ai majaw, Gawgap magam bungli galaw nga ai ni, Bilat hte laga arung arai ni, dumhprut mat ai majaw, lani tam lani sha bungli galaw ai mung shawa ni yak hkak hkrum taw ai lam chye lu ai.
Lai wa sai Shata kaw na Myitkyina Mandalay lam kaba n tsa Majan byin ai majaw, lawu ga de na lung ai maw daw ni yawng ngu na ram, lam lapran lai yak mat ai majaw, Miwa hkran maga na shang ai gunrai ni hpe mung, Myen ni Mungna mare kaw rim ahkyak la taw ai majaw, Myitkyina kaw ya na zawn, gaw gap arung arai dumhprut wa ai rai nga ai.
ပုရံ shanisha bungli galaw nna sha, dinghku bau ai mung shawa ni gaw, ya ten, Bilat n nnga mat ai majaw, Mali hka ထိုးလောင်း galaw nna, dinghku hpe mai byin ai hku bau taw ai lam Myitkyina Lekung na Payan sara langai KNG de tsun ai re.
“Payan sara ni law malawng yawng ngu na ram gaw ding hku hpe shan hte hkrai bau ai rai nga ai, ya Bilat dumhprut mat nna, bungli n nga mat ai majaw, n galaw n mai sha ra ai re majaw, Mali hka de gaw pya hpai nna, Htu Lawng rawt taw nga ga ai,” nga tsun ai re.
Mali Hka kau de ထိုးလောင်း sa galaw ai ten, lani ni gaw, hpa n lu ai ten mung nga ai zawn, ရွေး 2, 3 lu wa ai ten mung nga ai lam matut tsun dan ai re.
Ya ten Myitkyina Muklum kata Gunrai manu tsaw rawt ai majaw, Yu maya re ai mung shawa ni yak lam shagu yak hkak hkrum taw nga ai re.
