Hpakant Kate maw kaw Ga gyi ru ai majaw, Yemase la marai 20 ram lawm mat ai hta, ya ten du hkra marai 10 jan naw mat taw ai lam chye lu ai.
February 16 ya shana hkying 9 aten daram hta Kate Maw mare တစ်သုံးလုံး Company n hkun ga gyi ru nna, Hka nawng hka hte dai makau kaw lung seng tam ai ni hpe wa gayet jahkrat mat ai majaw, ya ten du hkra marai 10 jan naw mat taw ai lam ginra masha langai KNG de n dai zawn tsun dan ai re.
“Nhkun gaw gade n tsaw ai rai nga ai, Ga Shingbut hka nawng kaw gyi ru nna, Dai Hka Nawng na Hka Hpungla hte Masha hpe wa agrip jahkrat mat wa ai rai nga ai, n kau gaw hka hpung yawt na lawt wa ai ni ni mung nga ai, law malawng gaw ya du n mu shi ai,” nga tsun dan ai re.
Dai Byin ai ten hta marai 20 ram lawm mat ai rai tim, Marai 10 ram gaw, jahkring nga ai hte hka hpung yawt na bat lawt pru wa ai rai nna, n kau marai 10 ram gaw dai ni du hkra pru wa ai lam n mu mat ai rai nga ai.
Ga rai n gyi shi ai ten, dai makau kaw lung seng tam ai masha marai 70 daram nga taw ai kaw, marai 20 ram gaw dai ga gyi ru ai kaw lam mat ai mung rai nga ai.
Bai lawt wa ai n kau ni hta mung, lagaw lata, baw ni hkan hkra hkala ai lam ni nga ai hpe chye lu ai.
Dai ni du hkra gaw, garum kahtau hpung ni ladat shaw tam shakut ai rai tim, တစ်သုံးလုံး company hka nawng kaba ai majaw gaw, mu tam na n loi sai lam ginra masha ni tsun ai re.
