Myitkyina Nbungli Pa kaw hkrat ai Drone bawm gagw KIA maga na n mai byin ai lam, Mung masa yu maram ai ni tsun ai re.
February 12 ya shana ka-ang Myitkyina Mung Shawa Nbungli Pa kaw Sihkam Drone wa hkrat ai lam gaw, Myen Hpyen maga tsap ai Shiga dap ni kaw na shawng shapraw wa ai hpang, Shiga dap ni law malawng dai Shiga hpe KIA Shapyen dat ai Sihkam drone re lam tsun wa ai rai nga ai.
February praw 7 ya shani KIA maga Myitkyina Hpyen Nbungli pa Rader jak shadun ai shara hpe sa gap jahten kau ya lu wa ai hpang, Myen Hpyen dap maga KIA n kaja ai lam hpe htawng madun mayu ai majaw, shan the da sang hkyen lajang ai lam re nga, Mung masa yu maram ai Salang langai KNG de ndai zawn tsun tawn ai re.
“Lama na she sa gap ga nga yang, Hpyen Nbungli Pa hpe sa gap na, shing nrai M.P.Hk Myen Hpyen dap daju hpe sa gap na rai nga ai le, dai hpyen dap ni yawng hpe lai di da na, Mung Shawa n bungli pa hpe sa gap ai ngu gaw, ရုပ်သိ n nga ai lam re, hpa di mi mung shawa nbungli pa nsa gap law,” nga tsun wa ai re.
Myen Hpyen dap maga KIA hpe jahten sharun hpung ni re ngu hku na mu mada wa na matu, da sang galaw ai re lam matut tsun da ai re.
