Hpakant Myen Hpyen Tatma Kawng Na Gap dat ai Laknak Kaba Si Ring Chying Mare (တောင်ပြို) kaw wa hkrat ang ai majaw, Ma 1 si nna, marai 3 hkala sawng hkrum wa ai lam chye lu ai.
February 13 ya jahpawt Hkying 8:30 aten, Hpakant Tatma kawng na gap dat ai laknak kaba si Ring Chying Mare (တောင်ပြို) kaw wa hkrat ang ai majaw, asak (7) Ning re ai Shd Nay Win Htun Asak si hkrum nna, laga ngam ai ma kaji marai 3 Hkala sawng hkrum wa ai lam chye lu ai.
Ya Si Hkala hkrum ai Ma ni gaw, တောင်ပြို mare ngu chye law da ai, Ring Chying mare kaw nga ai ma ni rai nna, 1. Shy. နန်းခိုင်စိုး Asak (11) ning Baw shingdu maga hkra hkala sawng wa nna, 2. Shd. ဦးကိုလင်း Asak (11) ning lahkra lata kahpa n pu hkra hkala sawng 3.Shd. မင်းသူရိန် Asak (3) ning la pai lata kaw hkra hkala hkrum wa ai re lam Hpakant Ginra masha ni tsun dan ai kaw na chye lu ai.
Ndai laman Hpakant Mashi Kahtawng Kyuhpyi Bum makau grup yin kaw majan laja lana matut byin nga nna, Myen Hpyen dap maga Nbungli Drone hpan hkum ni hte htim gasat taw nga ai re lam, ginra masha ni kaw na chye lu ai.
Majan laja lana byin taw nga ai ten, Mung Shawa yawng hprawng yen mat ai hpang, Mashi Kahtawng Mare na Mung Shawa dum n ta hkan lagu adup hpaw na arung arai mya la ai lam ni ding yang galaw nga mai ai lam ginra masha ni tsun dan ai re.