Manmaw htim shagrawt Majan hpe dai hpawt manap jau kaw na laja lana bai htim gasat taw sai lam chye lu ai.
KIA Pawng hpawm dap ni lai wa sai December 25 ya shani hta kalang htim gasat wa ai hta masan sa ai lam n nga na, n dai laman ra ai lam ni hpe bai hkyen shajin la nna, dai hpawt kaw na kalang bai matut shakut wa ai masa re lam, hpyen masa yu maram ai Salang Langai KNG Shiga de n dai zawn tsun maram da ai re.
“Manmaw majan loi gaw n loi nga ai, Ya n dai kalang n gun hpungtum hte kalang bai nut ai ga rai nga ai, Anhte maga mung hkra machyi ai grai law sai, ndai kalang mung gara hku bai rai na kun?” nga tsun ai re.
Ya ten, Manmaw ginra law malawng hpe Dap hpawm mag ana htim gasat da lu ai rai tim, Madung ahkyak ai Ts.K.Hk 21 the Hk.L.Y (47) shara ni hpe laja lana matut htim gasat taw ai mung rai nga ai.
Myen Hpyen dap maga na mung, Drone Nbungli Laknak kaba hpan hkum the Manmaw n tat sum kau hkra laja lana shingla gasat taw nga ai lam matut chye lu ai re.
Dai hpawt manap hkying 6 ten daram kaw na, Manmaw majan laja lana bai matut htim gasat taw sai majaw, Mung shawa yawng kaw na mung kyuhpyi myit dum ya na lam, shawng lam hpyen magam gun ni tsun ai re.
